Zeremi 49:5 - Labib An Kreol Seselwa

⁵ Mwan Senyer, BONDYE liniver, mon pou fer lafreyer akapar zot. I pou sorti partou kote e zot pou ganny sase. Pou napa personn ki pou fer zot retournen.

Zeremi 49:5 ပူးပေါင်းရင်းမြစ်များ

2 Rwa 19:7

Mon pou met en lespri dan li; i pou antann en rimer e i pou retourn dan son pei. Mon pou fer li mor par lepe dan son prop pei.

Liv Zob 15:21

Tapaz terib i kriye dan son zorey. Dan letan prosperite, voler pou atak li.

Proverb 28:1

En malfeter i sove san ki personn pa pourswiv li; me sa enn ki zis i annan otan konfyans ki en lyon.

Ezai 16:3

Annou diskit ansanm pour pran en desizyon. Fer midi vin lannwit; protez nou avek ou lonbraz. Kasyet bann refizye, pa denons sa ki pe sove.

Zeremi 15:8

I annan pli bokou vev dan zot pei ki gren disab obor lanmer. Mon'n fer detri zot bann zennzan e zot manman in soufer. Mon'n anvoy langwas ek lafreyer pour anvai zot en sel kou.

Zeremi 16:16

La sa ki SENYER i deklare: Mon pe anvoy en kantite peser ki pou lepidemi zot. Apre sa, mon pou anvoy en kantite saser ki pou debiste zot dan montanny, dan kolin e dan bann kap ros.

Zeremi 20:4

Annefe, la sa ki SENYER i deklare: Mon pou fer ou ek ou bann zanmi per zot lonbraz. Avek ou prop lizye, ou pou war lennmi masakre zot tou. Mon pou osi livre Zida anba pouvwar lerwa Babilonn ki pou anvoy zot annegzil Babilonn, kot zot ava ganny masakre.

Zeremi 46:5

Akoz mon war zot dan lafreyer? Zot pe rekile? Zot bann gerye in ganny bate; zot in sove osi vit ki zot kapab. Zot pa get deryer zot. Laterer in antour zot, SENYER i deklare.

Zeremi 49:29

Sezi zot bann latant ek zot bann troupo. Tir zot rido ek tou sa ki zot annan. Pran zot samo e dir lepep: Lafreyer i partou!

Zeremi 6:25

Pa sorti pour al dan lakanpanny, ni al marse dan semen, akoz lennmi i la, i pe masakre dan tou kote.

Lamantasyon 4:15

Dimoun ti kriye: Sorti la! Enpir! Ale! Sorti! Sorti! Pa tous personn! Ensi, zot ti vin bann egzile e zot ti eran. Dimoun i dir parmi bann nasyon: Zot pou nepli reste parmi nou.

Amos 4:3

Zot ava sorti, par bann trou dan miray ki drwat devan zot. Zot pou ganny zete an deor lavil dan kote Nor pei. SENYER ki deklare.

Zozye 2:9

I ti dir zot, “Mon konnen ki SENYER in donn zot sa pei, e lafreyer in tonm lo nou, e tou zabitan sa pei pe tranble devan zot.