Zeremi 49:16 - Labib An Kreol Seselwa

¹⁶ Ou larogans i fer ou krwar ki tou dimoun i per ou. Me ou tronpe. Ou reste lao lo latet montanny, dan bann trou ros; me menm si ou viv la anler parey bann leg, mon pou fer ou desann, SENYER i deklare.

Zeremi 49:16 ပူးပေါင်းရင်းမြစ်များ

2 Rwa 14:7

Amazya ti touy 10,000 Edomit dan Vale Disel. Dan lager, i ti pran lavil Sela, ki i ti apel Yokteel, non ki'n reste ziska ozordi.

Liv Zob 39:27

Eski ou ki donn lord leg pour anvole, e fer son nik byen o dan montanny?

Proverb 16:18

Lorgey i vin avan dezas; larogans i vin avan larin.

Proverb 18:21

Pouvwar lalang i donn swa lavi oubyen lanmor; sa enn ki kontan koze i devre aksepte son konsekans.

Proverb 29:23

Lorgey en zonm pour imilye li; me sa enn ki senp, ava ganny loner.

Kantik Salomon 2:14

Mon tourtrel! Les mwan war ou figir, les mwan antann ou lavwa ki sorti depi dan kavern ros, parmi bann montanny apik kot ou pe kasyet!

Ezai 10:14

Parey ler ou met ou lanmen dan en nik, mon'n pran larises sa bann pep. Parey ou ranmas dizef ki'n ganny abandonnen, mon'n ranmas tou sa ki lo later e personn pa ti ni bronse ni ouver son labous, ni kriye.

Ezai 2:21

Zot pou antre dan bann kavern ros e dan bann trou dan later pour zot sove devan lakoler SENYER e laglwar son mazeste, ler i pou leve pour sekwe later.

Ezai 49:25

La sa ki SENYER i deklare: Menm prizonnyen en diktater pou ganny libere, pou ganny arase avek en tiran. Annefe, mon pou atak bann ki atak ou e mon pou sov ou bann zanfan.

Zeremi 48:14

Zabitan Moab! Koman eski zot kapab dir ki zot bann ero e bann vayan gerye?

Zeremi 49:15

Mon pou fer Edonm vin en pli pti pei parmi tou bann nasyon. Tou dimoun pou mepriz li!

Zeremi 50:29

Rasanble tou bann ki konn tir fles! Anvoy zot atak lavil Babilonn. Fer zot anserkle li. Pa les personn sove! Fer li pey tou sa bann dimal ki i'n fer. Tret li parey in tret lezot, akoz in azir avek lorgey kont mwan, SENYER, Bondye sen Izrael.

Zeremi 51:53

Menm si Babilonn ti ava mont ziska dan lesyel; menm si i ti ava ranforsi son bann fortifikasyon, mon pou kanmenm anvoy lennmi pour detri li, SENYER ki deklare.

Amos 9:2

Si zot al kasyet parmi bann dimoun mor, mon pou al sers zot. Si zot mont ziska dan lesyel, mon pou fer zot desann.

Habakouk 2:9

Maler lo sa enn ki fer profi malonnet pour son fanmir. I permet li plas son nik lao dan oter, pour ki maler pa tous li.

Malasi 1:3

e mon'n ay Ezai. Mon'n devaste son rezyon montanny e fer landrwa kot son desandan ti reste, vin en landrwa devaste pour sakal, sa zannimo ki viv dan dezer.”