Zeremi 49:12 - Labib An Kreol Seselwa

¹² Annefe, la sa ki SENYER i deklare: Si sa bann dimoun ki pa ti devre ganny pini, in bezwen bwar lakoup, ou osi ou pou bezwen bwar! Ou pa pour kapab sap pinisyon; ou osi, ou pour bezwen bwar.

Zeremi 49:12 ပူးပေါင်းရင်းမြစ်များ

Proverb 17:5

Sa enn ki mepriz en pov i ensilte son Kreater; sa enn ki kontan maler lezot pou ganny pini.

Zeremi 25:15

La parol ki SENYER, Bondye Izrael ti dir mwan: Pran sa lakoup ki dan mon lanmen. I ranpli avek diven mon lakoler. Al kot tou bann nasyon kot mon pou anvoy ou e fer zot bwar.

Zeremi 30:11

Mon avek ou pour sov ou, SENYER i deklare. Mon pou detri tou bann nasyon kot mon ti deport ou. Me ou, mon pa pou detri ou. Sepandan, mon pou koriz ou dapre lazistis. Annefe, mon pa pou kapab tret ou konmsi ou ti inosan.

Zeremi 46:27

Me ou, Izrael, mon serviter! Mon pep! Pa bezwen per! Pep Izrael! Pa perdi kouraz! Mon pou sov ou, mon pou fer ou sorti dan pei lwenten, pei kot ou prizonnyen. Ou pou retourn dan ou pei kot ou ava viv anpe; ou pou an sekirite e personn pa pou vin fer ou per.

Abdyas 1:16

Annefe, parey ou'n bwar lo mon montanny sen, bann nasyon pa pou arete bwar, zot pou bwar ziska zot sou e disparet san les okenn latras.

Matye 20:22

Zezi ti reponn, “Zot pa konnen ki zot pe demande. Eski zot pou kapab bwar sa lakoup ki mon pou bwar?” Zot ti reponn, “Nou kapab.”