Zeremi 49:1 - Labib An Kreol Seselwa

¹ Lo size bann Amonit, la sa ki SENYER i dir: Akoz eski Milkonm in pous Gad e pran son teritwar? Akoz eski zabitan Amonn pe okip bann lavil Gad? Eski Izrael napa okenn desandan ni zeritye?

Zeremi 49:1 ပူးပေါင်းရင်းမြစ်များ

Zenez 19:38

Pli zenn fiy osi ti ganny en garson, ki i ti apel Ben-Ami. Ben-Ami, i zanset bann Amonit ozordi.

2 Rwa 10:33

depi larivyer Zourden dan direksyon Les, Galaad antye, bann Gadit, bann Ribenit, ek bann Manasit, depi Aroer, pre avek larivyer Arnon, ziska Galaad ek Basann.

2 Rwa 24:2

SENYER ti anvoy kont li, bann troup Babilonyen, Siriyen, Moabit ek Amonit. I ti anvoy zot kont Zida pour detri li, parey SENYER ti'n dir par lentermedyer son bann serviter, bann profet.

2 Kronik 20:1

Plitar, larme bann Moabit ek bann Amonit, ede par bann Maonit, ti vin fer lager kont Zozafat.

2 Kronik 20:23

Bann Amonit ek bann Moabit ti atak bann Edomit dan rezyon montanny Seir e detri zot konpletman. Apre, kan zot ti'n fini avek bann Edomit, zot ti lager ant zot e masakre kanmarad.

Nehemi 2:19

Me kan Sanbalat, en Horonit, e Tobiya, en administrater Amonit, ek Gesenm, en Arab, ti aprann sa, zot ti gognard nou e mepriz nou. Zot ti dir, “Ki zot pe fer la? Zot oule revolte kont lerwa?”

Nehemi 4:7

Me kan Sanbalat ek Tobiya, bann Arab, bann Amonit ek bann Asdodit ti tande ki reparasyon miray Zerizalenm ti pe progrese, e ki bann lafant dan miray ti pe ganny fermen, zot ti pran en gran lakoler.

Psonm 83:7

zabitan Gebal, Amonn ek Amalek, Filisten ek zabitan Tyr.

Psonm 9:6

Bann lennmi in ganny detri konpletman. Zot bann lavil in ganny kraze; zot in ganny konpletman oubliye.

Zeremi 12:14

La sa ki SENYER i deklare: Tou mon bann move vwazen ki'n rin sa pei ki mon'n donn mon pep Izrael, mon pou derasin zot dan zot pei, parey ou derasin en plant. Mon pou osi derasin parmi zot, bann zabitan Zida.

Zeremi 25:21

zabitan Edonm, Moab ek Amonn;

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 27:3

Apre, ou ava anvoy sa bann sang ek sa bann bar kot bann lerwa rwayonm Edonm, Moab, Amonn, Tir ek Sidon, atraver zot anbasader ki'n vin Zerizalenm kot Sedesyas, lerwa Zida.

Zeremi 48:1

La sa ki SENYER liniver, Bondye Izrael i deklare konsernan Moab: Maler pour Nebo! In ganny detri. Kiryataim in ganny imilye, in ganny kaptire; son bann miray in ganny kraze.

Zeremi 49:23

Lo size Damas, la sa ki SENYER ti deklare: Zabitan bann lavil Hamat ek Arpad i onte. Zot dan traka akoz zot in antann en move nouvel. Zot trouble parey en lanmer demonte ki enposib kalme.

Zeremi 49:28

La sa ki SENYER i deklare lo size tribi Kedar e bann rezyon kontrole par Hazor ki Naboukodonozor, lerwa Babilonn ti gannyen dan lager: Atak pep Kedar e detri sa tribi ki sorti dan Les.

Zeremi 49:7

Konsernan Edonm, la sa ki SENYER liniver i deklare: Eski nepli annan dimoun saz dan Temann? Eski nepli annan okenn konseye parmi bann zonm pridan? Eski tou zot lasazes in koronpi?

Ezekyel 21:25

Ekoute! Move sef ki gouvern Izrael! Ou letan in fini; zour lafen ou bann krim pou arive.

Ezekyel 25:1

SENYER ti koz avek mwan:

Sofoni 1:5

Mon pou fer disparet bann ki mont lo twa zot lakaz pour ador bann zetwal; bann ki prostern devan mwan, me ki anmenmtan pe pret serman lo non Molek.

Nonm 1:24

Dan tribi Gad, son desandan par klan ek fanmir, tou zonm ki ti'n ganny 20 an, an montan, tou sa ki kapab servi pour lager dan larme:

Deterononm 2:19

Kan zot ava apros frontyer bann Amonit, pa atak zot, pa provok en lager kont zot. Mon pa pou donn zot pei bann Amonit, akoz mon'n donn sa pei bann desandan Lot.

Deterononm 23:3

Bann Amonit ek bann Moabit pa pou fer parti lasanble SENYER. Okenn zot bann desandan ziska dizyenm zenerasyon pa pou kapab fer parti lasanble SENYER.

Deterononm 23:4

Annefe, zot pa ti vin rankontre zot lo semen avek dipen ek delo, kan zot ti pe sorti Lezip; osi akoz zot ti pey Balaanm garson Beor, sorti Petor dan Aranm an Mezopotami pour li modi zot.