Zeremi 48:7 - Labib An Kreol Seselwa

⁷ Moab! Akoz ou ti met ou konfyans dan ou prop lafors e dan ou larises, ou osi, ou pou pri. Kemos pou al annegzil avek son bann pret ek son bann sef.

Zeremi 48:7 ပူးပေါင်းရင်းမြစ်များ

2 Samyel 5:21

Bann Filisten ti abandonn tou zot bann zidol la, e David avek son bann zonm ti pran e anmenn avek zot.

1 Rwa 11:33

Sa i akoz i'n abandonn mwan e i al ador Astarte, bondye bann Sidonit, Kemos bondye Moab, ek Milkonm bondye bann Amonit. I pa'n mars dapre mon volonte, i pa'n fer sa ki byen devan mwan pour gard mon lalwa ek komannman parey son papa David.

1 Rwa 11:7

Alor Salomon ti konstri en landrwa sakre pour Kemok, bondye degoutan bann Amonit, lo montanny, anfas avek Zerizalenm.

Psonm 40:4

I byennere sa enn ki'n met son konfyans dan SENYER! I pa tourn ver bann arogan ni ver bann ki swiv bann fo bondye.

Psonm 52:7

Get li sa zonm ki pa'n pran Bondye pour protekter, me ki'n fye lo son gran larises e ki'n depann lo son bann krim!

Zeremi 13:25

Sanmenm sa ou sor, SENYER i deklare. Sanmenm sa ki i'n deside pour fer avek ou, akoz ou'n oubliy li e ou'n al fer konfyans dan mansonz.

Zeremi 43:12

Naboukodonozor pou met dife avek bann stati ki dan tanp Lezip; i pou bril sa bann stati, e anmenn zot Babilonn. Parey en berze i tir pis dan son lenz, i pou netway Lezip e personn pa pou oze met lanmen lo li.

Zeremi 48:13

Alor, parey pep Izrael ti kanmi akoz Betel, ki zot ti fer konfyans, bann zabitan Moab pou kanmi zot bondye Kemos.

Zeremi 48:46

Maler lo ou Moab! Bann zabitan Kemos in disparet. Ou bann garson ek ou bann fiy in ganny deporte koman prizonnyen.

Zeremi 49:3

Zabitan Hesbonn! Kriye! Ai ki'n ganny devaste. Bann fiy Raba! Kriye. Met zot lenz dey e plere, taye tou dilon miray, akoz Milkonm, pou ganny deporte avek tou son bann pret ek bann sef.

Zeremi 49:4

Ou pep enfidel! Ou vant larises ki dan ou vale. Ou met ou konfyans dan ou larises e ou dir ki personn pa pou kapab atak ou.

Zeremi 9:23

La sa ki SENYER i deklare: En dimoun saz pa devre vant son lasazes. Sa enn ki for pa devre vant son lafors. Sa enn ki ris pa devre fer vantar avek son larises.

Oze 10:13

Ou'n senm lemal, ou'n rekolte krim e ou'n manz fri mansonz. Akoz ou'n kont lo ou prop lafors e lo ou gran larme,

Nonm 21:29

Maler lo ou, Moab! Pei Kemos in ganny detri. I ti les son bann zonm ganny egzile; son bann fiy in ganny kaptire par Sihonn, lerwa bann Amorit.

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

Revelasyon 18:7

Otan laglwar ek larises ki i ti fer letalaz avek, donn li osi otan tourman ek dey. Annefe, i dir dan son leker: Mon pe asize koman en larenn. Mon pa en vev, mon pa pou zanmen konn dey.

Ziz 11:24

Pa ou annan pei ki Kemos, ou bondye in donn ou? Akoz nou, nou pa pou gard posesyon tou sa ki SENYER nou Bondye in donn nou?