Zeremi 48:40 - Labib An Kreol Seselwa

⁴⁰ La sa ki SENYER i deklare: Gete! Lennmi i parey en leg ki pe plannen avek son lezel gran ouver par lao Moab.

Zeremi 48:40 ပူးပေါင်းရင်းမြစ်များ

Proverb 30:19

Latras leg dan lesyel, latras serpan lo en ros, latras bato dan milye lanmer e latras zonm kot en zenn fiy.

Ezai 11:14

Ansanm, zot pou atak bann Filisten dan Was. Ansanm, zot pou depouy bann zabitan dan Les. Edonm ek Moab pou tonm dan zot lanmen e bann Amonit pou anba zot dominasyon.

Ezai 8:8

I pou balye rwayonm Zida; i pou deborde parey en linondasyon; i pou kouver pei e monte ziska kot son likou. I pou kouver pei antye avek son lezel gran ouver. Bondye i avek nou!

Zeremi 4:13

Gete! Lennmi pe vini parey en nyaz. Son bann kales lager i roul parey en tourbiyon. Son bann seval i pli vit ki bann leg. Maler i lo nou! I'n fini pour nou!

Zeremi 49:22

Lennmi pour atak Bosra parey en leg ki desann avek son lezel gran ouver. Sa zour la, bann meyer gerye Moab pou per parey en fanm ki dan douler lanfantman.

Lamantasyon 4:19

Bann ki ti pe pourswiv nou ti pli vit ki bann votour dan lesyel; zot ti sas nou lo bann montanny, zot ti met bann latrap dan dezer pour nou.

Ezekyel 17:3

Dir zot: La sa ki Senyer BONDYE i deklare: Ti annan en gro leg, avek gran lezel, plim epe toudsort kouler. I ti anvol dan montanny Liban e kas leker bann pye sed.

Danyel 7:4

Premye bebet ti parey en lyon. I ti annan lezel leg. Pandan ki mon ti pe gete, i ti ganny arase son bann lezel. I ti ganny leve par lao later e i ti debout lo son de lapat deryer parey en imen, e i ti ganny en lespri imen.

Oze 8:1

Met ou tronpet avek ou labous! Maler, parey en leg, in tonm lo lakaz SENYER, akoz zot in kas mon lalyans e zot in revolte kont mon lalwa.

Habakouk 1:8

Zot bann seval i pli rapid ki bann leopar, pli feros ki bann loulou aswar. Zot bann kavalye i atake. Zot bann kales lager i sorti lwen. Zot anvole koman leg kan i atake pour li devore.

Deterononm 28:49

SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.