Zeremi 48:38 - Labib An Kreol Seselwa

³⁸ Partou dan Moab, lo twa bann lakaz, dan bann plas piblik, ou antann zis lamantasyon, akoz mon'n kas Moab an morso, parey en potao ki personn nepli oule, SENYER i deklare.

Zeremi 48:38 ပူးပေါင်းရင်းမြစ်များ

Psonm 2:9

Ou pou diriz zot avek en baton an fer; ou pou kas zot an morso parey en po later.

Ezai 15:3

Zot lo semen dan lenz dey. Lo twa bann lakaz e dan bann plas piblik, tou dimoun i an larm, pe plere.

Ezai 22:1

Mesaz konsernan Vale Vizyon. Ki pe pase! Akoz zot in monte e zot tou zot lo twa lakaz!

Ezai 30:14

Sa miray in ganny kraze san pitye parey potis later en potye; in ganny kase an pti morso; i pa bon pour pran labrez dan reso, ni pour al pran delo dan sitern.

Zeremi 19:10

Apre sa, ou ava kas sa gargoulet devan bann zonm ki'n vin avek ou.

Zeremi 19:11

Ou ava dir zot: La sa ki SENYER liniver i deklare: Mon pou kas sa pep ek sa lavil parey ou kas en gargoulet ki pa pou zanmen kapab ganny repare. Dimoun pou anter zot kadav menm dan Tofet, akoz pa pou annan okenn landrwa pour anter zot.

Zeremi 22:28

Dimoun i demande: Eski Yoyakim in vin parey en gargoulet kase, ki'n ganny zete akoz i initil? Akoz li ek son bann zanfan, zot in ganny deporte dan en pei ki zot pa konnen?

Zeremi 25:34

Bann berze mon troupo! Kriy byen for. Plere! Roul zot dan lapousyer. Letan pour zot ganny masakre e pour zot kadav ganny disperse in arive. Zot pou ganny kase parey en po presye.

Oze 8:8

Izrael in ganny anvale. Aprezan, parmi bann nasyon, i parey en lobze san valer.

Matye 10:27

Sa ki mon dir zot dan fernwanr, repet li dan kler. Sa ki zot tande an sekre, pibliy li lo twa lakaz.

Revelasyon 2:27

Avek en baton an fer, i pou diriz zot; i pou kas zot an morso parey bann po later.