Zeremi 48:28 - Labib An Kreol Seselwa

²⁸ Zabitan Moab! Kit bann lavil, al reste dan bann kap ros. Fer parey bann pizon ki fer zot nik dan lantre presipis.

Zeremi 48:28 ပူးပေါင်းရင်းမြစ်များ

Zenez 8:12

I ti esper ankor set zour pour li larg en lot pizon ki pa ti retournen.

Kantik Salomon 2:14

Mon tourtrel! Les mwan war ou figir, les mwan antann ou lavwa ki sorti depi dan kavern ros, parmi bann montanny apik kot ou pe kasyet!

Ezai 2:19

Al dan bann kavern ros e dan bann trou anba later, lwen avek lakoler SENYER, e laglwar son mazeste, ler i pou leve pour sekwe later.

Zeremi 48:9

Donn Moab lezel pour li sove; son destriksyon pe vini. Son bann lavil pou ganny detri, son bann zabitan pou disparet.

Zeremi 49:16

Ou larogans i fer ou krwar ki tou dimoun i per ou. Me ou tronpe. Ou reste lao lo latet montanny, dan bann trou ros; me menm si ou viv la anler parey bann leg, mon pou fer ou desann, SENYER i deklare.

Zeremi 49:8

Zabitan Dedann! Sove! Retournen! Al kasyet dan bann kavern. Mon pe anvoy katastrof Ezai lo li, akoz letan in arive pour mwan pini zot.

Ziz 6:2

Bann Madyanit ti fer Izrael santi zot pouvwar. Akoz zot, pep Izrael ti al reste dan bann krevas dan montanny, bann lagrot e dan bann presipis.

1 Samyel 13:6

Kan Bann zonm Izrael ti war ki zot ti dan difikilte akoz lepep ti'n ganny kwense, zot ti al kasyet dan bann kavern, dan bann trou, anba ros, dan souteren e dan bann sitern.