Zeremi 48:26 - Labib An Kreol Seselwa

²⁶ Moab ti krwar ki i pli gran ki mwan, SENYER i deklare. Fer li bwar ziska i sou, e les li debat dan son vomi. Konmsa, tou dimoun ava mepriz li.

Zeremi 48:26 ပူးပေါင်းရင်းမြစ်များ

Liv Zob 15:25

In oze lev son lanmen kont Bondye, e in oze dres li kont Bondye liniver.

Liv Zob 9:4

Bondye i ranpli avek lasazes ek pwisans. Lekel ki kapab reziste li san sibir bann konsekans?

Psonm 2:4

Depi son tronn dan lesyel kot i asize, SENYER i riye, i pa pran ka.

Psonm 59:8

Me ou riy zot SENYER; ou pa pran ka avek sa bann nasyon.

Psonm 60:3

Ou'n fer ou pep soufer dan letan dir. Ou'n fer nou bwar diven ki'n soul nou.

Psonm 75:8

SENYER i tenir dan son lanmen en lakoup ranpli avek diven for, byen fermante; i pou donn en pe bann malfeter lo later. Zot pou bwar ziska lanmar.

Egzod 5:2

Faraon ti dir, “Lekel li sa SENYER pour ki mon devre ekoute e les pep Izrael ale? Mon pa konn sa SENYER. Mon pa pou les pep Izrael ale.”

Egzod 9:17

Ou ankor pe met lobstak kont mon pep e refize les zot ale.

Ezai 10:15

Eski en lars i kapab vant son lekor dan plas sa enn ki servi li? Eski en lasi i kapab fer vantar dan plas sa enn ki servi li? Sa i konmsi roten i fer bouze lebra ki lev li oubyen en baton ki diriz sa lanmen ki mannye li.

Ezai 19:14

SENYER in met dan zot latet en lespri konfize ki fer Lezip bite dan tou sa ki i antreprann. In vin parey en soular ki drive dan son vomi.

Ezai 28:8

Tou bann latab i kouver avek zot vomi degoutan; partou i annan salte.

Ezai 29:9

Reste etonnen! Pa dir nanryen! Gard lizye fermen! Pa war nanryen! Vin sou, me san bwar diven! Drive, san ki ou'n bwar labwason for!

Ezai 51:17

Leve! Leve! Debout, Zerizalenm! Ou ki'n bwar dan lanmen SENYER, lakoup son lakoler; ou ki'n bwar ziska lanmar, lakoup ki fer ou drive.

Ezai 63:6

Dan mon lakoler, mon'n kraz bann nasyon anba mon lipye; mon'n kraz zot dan mon lakoler; mon'n fer koule zot disan.

Zeremi 48:39

Moab in ganny kraze! Plere! Moab i dan laont. In vir son ledo avek mwan. Pour tou son bann vwazen, i pou dezormen en size laont.

Zeremi 48:42

Akoz i ti plas li par lao SENYER, Moab pou ganny detri. I pou nepli menm egziste koman en pep.

Zeremi 50:29

Rasanble tou bann ki konn tir fles! Anvoy zot atak lavil Babilonn. Fer zot anserkle li. Pa les personn sove! Fer li pey tou sa bann dimal ki i'n fer. Tret li parey in tret lezot, akoz in azir avek lorgey kont mwan, SENYER, Bondye sen Izrael.

Zeremi 51:39

Pour satisfer zot gran lapeti, mon pou prepar en gran festen pour zot, kot zot ava bwar ziska ler zot pou sou. Kan zot ava al dormi, zot pa pou zanmen leve, SENYER i deklare.

Zeremi 51:57

Mon pou soul son bann sef, son bann saz, son bann gouverner, son bann gerye. Zot pou al dormi pour touzour e zot pa pou zanmen lev ankor, sa enn ki Lerwa, ki apel SENYER liniver i deklare.

Zeremi 51:7

Babilonn ti parey en lakoup annor dan lanmen SENYER. I ti soul later antye. Bann nasyon ti bwar son diven e zot in perdi latet.

Lamantasyon 1:21

Zot in antann mwan plennyen; napa personn pour konsol mwan. Tou mon bann lennmi in antann mon maler e zot kontan sa ki ou'n fer avek mwan. Fer vini sa zour ki ou'n promet, pour ki zot osi, zot ava vin parey mwan.

Lamantasyon 3:15

I'n ranpli mwan avek zerb anmer; i'n donn mwan labsent pour bwar.

Lamantasyon 4:21

Nou swete ki bann zabitan Edonm ek Our ava zwaye; zot ava fer lafet. Me mon pou pas lakoup avek zot osi; zot pou sou e zot pou ekspoz zot touni.

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Danyel 8:10

I ti dres li kont larme lesyel. I ti zet ater en parti larme ek bann zetwal e i ti pil lo zot.

Nahoum 3:11

Ou osi, ou pou sou e ou pou drive. Ou pou rod en landrwa kasyet kont lennmi.

Habakouk 2:16

Ou'n kouver ou avek laont plito ki loner. Akoz ou osi, pa ou bwar e tir ou touni? Lakoup ki dan lanmen drwat SENYER pou savir lo ou: Ou loner pou sanz an laont!

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

Revelasyon 16:19

Sa gran lavil ti diviz an trwa parti. Bann lavil dan bann pei antye ti ganny detri. Alor, Bondye ti rapel gran Babilonn e i ti fer li bwar lakoup diven son gran lakoler.