Zeremi 48:14 - Labib An Kreol Seselwa

¹⁴ Zabitan Moab! Koman eski zot kapab dir ki zot bann ero e bann vayan gerye?

Zeremi 48:14 ပူးပေါင်းရင်းမြစ်များ

Psonm 11:1

SENYER i mon labri. Ki mannyer ou kapab dir mwan: Sov dan montanny parey en zwazo?

Psonm 33:16

En lerwa pa ganny sove akoz i annan en larme pwisan. En solda pa ganny delivre par grander son lafors.

Eklezyas 9:11

Mon'n osi dekouver anba soley, ki dan en paryaz pa sa ki pli rapid ki gannyen; laviktwar pa vin pour sa enn ki pli vayan; dipen pa vin pour sa ki pli saz e larises pour sa ki pli entelizan, ni faver pour sa ki pli savan, akoz tou i depann lo letan ek sirkonstans.

Ezai 10:13

Annefe, sa lerwa in dir: Tou sa ki mon'n fer, se par mon lafors ek mon lasazes, akoz mon entelizan. Mon'n tir frontyer ki separ bann nasyon e mon'n sezi bann trezor. Mon'n tir bann lerwa lo zot tronn parey en toro.

Ezai 10:16

Pour sa rezon, Senyer BONDYE liniver pou fer deperi bann gro gerye. En pti labrez pou bril zot laglwar parey en gro dife.

Ezai 16:6

Nou'n antann koz lo lorgey Moab, son lorgey ekstrenm, son larogans, son lorgey ek son lensolans; me tousala i vid.

Zeremi 49:16

Ou larogans i fer ou krwar ki tou dimoun i per ou. Me ou tronpe. Ou reste lao lo latet montanny, dan bann trou ros; me menm si ou viv la anler parey bann leg, mon pou fer ou desann, SENYER i deklare.

Zeremi 8:8

Koman eski zot kapab dir ki zot bann dimoun saz, e zot konn mon lalwa. Alor, zot bann spesyalis lalwa in manti e zot fos sans mon lalwa?

Zeremi 9:23

La sa ki SENYER i deklare: En dimoun saz pa devre vant son lasazes. Sa enn ki for pa devre vant son lafors. Sa enn ki ris pa devre fer vantar avek son larises.

Ezekyel 30:6

La sa ki SENYER i deklare: Lezip avek son bann zonm vantar pou ganny kraze. Tou bann ki defann li, depi Migdol ziska Aswann pou ganny masakre ansanm avek li, Senyer BONDYE i deklare.

Sofoni 2:10

Sa pou ariv zot akoz zot lorgey, akoz zot in ensilte pep SENYER liniver.