Zeremi 48:12 - Labib An Kreol Seselwa

¹² Pour sa rezon, SENYER i deklare: Mon pou anvoy dimoun pou transvid Moab. Zot pou vid bann danmzann ki zot ava kas an morso apre.

Zeremi 48:12 ပူးပေါင်းရင်းမြစ်များ

Psonm 2:9

Ou pou diriz zot avek en baton an fer; ou pou kas zot an morso parey en po later.

Ezai 16:2

Bann fiy Moab pe espere lo bor larivyer Arnon kot i sek. Zot parey bann zwazo ki pe anvole partou akoz zot in ganny pouse dan zot nik.

Ezai 30:14

Sa miray in ganny kraze san pitye parey potis later en potye; in ganny kase an pti morso; i pa bon pour pran labrez dan reso, ni pour al pran delo dan sitern.

Zeremi 14:3

Bann sef in anvoy bann serviter rod delo; zot al kot bann sitern, me zot pa trouv delo. Zot retourn avek zot potao vid. Dekouraze, kanmi, zot kasyet zot ti kouver zot latet.

Zeremi 19:10

Apre sa, ou ava kas sa gargoulet devan bann zonm ki'n vin avek ou.

Zeremi 25:34

Bann berze mon troupo! Kriy byen for. Plere! Roul zot dan lapousyer. Letan pour zot ganny masakre e pour zot kadav ganny disperse in arive. Zot pou ganny kase parey en po presye.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 48:11

Depi son zenes, Moab in touzour viv trankilman. Zanmen in ganny anvoye annegzil. Moab i parey diven ki son lanmar in poze. Zanmen in ganny vide dan diferan resipyan. I pa'n zanmen perdi son parfen. In gard son bon gou.

Zeremi 48:13

Alor, parey pep Izrael ti kanmi akoz Betel, ki zot ti fer konfyans, bann zabitan Moab pou kanmi zot bondye Kemos.

Zeremi 48:15

Lennmi in atak bann lavil; zot in detri Moab. Son bann meyer zennzan in ganny masakre. Lerwa ki apel SENYER liniver, i deklare.

Zeremi 48:38

Partou dan Moab, lo twa bann lakaz, dan bann plas piblik, ou antann zis lamantasyon, akoz mon'n kas Moab an morso, parey en potao ki personn nepli oule, SENYER i deklare.

Zeremi 48:8

Sa enn ki detri tou pou antre dan bann lavil; okenn lavil pou sape. Ni vale, ni plato pa pou ganny eparnyen, parey SENYER in anonse.

Nahoum 2:2

SENYER pou retabli laglwar desandan Zakob ensi ki grander Izrael, malgre bann bandi ti'n deza fini depouy li.