Zeremi 47:2 - Labib An Kreol Seselwa

² La sa ki SENYER i deklare: Gete! Bann lennmi pe rasanble dan Nor, parey en larivyer ki pe grosi. Zot parey en gran linondasyon ki pou kouver later bann Filisten e tou bann zabitan pei pou kriy osekour.

Zeremi 47:2 ပူးပေါင်းရင်းမြစ်များ

Psonm 24:1

Later avek tou son larises, lemonn avek tou son bann zabitan i pour SENYER.

Psonm 50:12

Si mon lafen, mon pa pou bezwen fer ou konnen, akoz later ek tou sa ki i annan dan lemonn i pour mwan.

Psonm 96:11

Lesyel! Rezoui. Later! Selebre. Lanmer avek tou sa ki ladan! Ronfle.

Psonm 98:7

Ronfle lanmer, avek tou sa ki viv ladan! Lemonn avek tou son bann zabitan!

Ezai 14:31

Bann laport lavil! Plere! Bann lavil! Kriye! Tou bann Filisten i fonn avek lafreyer, akoz en gro lafimen pe monte sorti dan Nor; personn pa pe sove parmi bann konbatan.

Ezai 15:8

Tou teritwar Moab i rezonnen avek lapel osekour. Sa bann lamantasyon i ariv ziska Eglaim; i ganny tande ziska Beer-Elim.

Ezai 22:1

Mesaz konsernan Vale Vizyon. Ki pe pase! Akoz zot in monte e zot tou zot lo twa lakaz!

Ezai 28:17

Mon pou fer lalwa vin lareg, lazistis en filaplon. Lagrel pou balye zot lakaz mansonz e delo pou trenn zot labri.

Ezai 59:19

Alor, depi dan Was, dimoun pou respekte non SENYER, depi dan Les, son laglwar; akoz i pou vini parey en larivyer deborde, pouse par souf SENYER.

Zeremi 1:14

Alor, SENYER ti eksplik mwan: Maler pou sorti dan Nor e i pou devers lo tou bann zabitan sa pei.

Zeremi 46:12

Tou bann nasyon in aprann ou laont; partou, dimoun in antann ou pe kriye. Bann gerye i tap ek kanmarad e tou le de zot tonbe.

Zeremi 46:13

La sa ki SENYER ti anonse, par lentermedyer profet Zeremi, konsernan latak Naboukodonozor, lerwa Babilonn lo Lezip:

Zeremi 46:20

Lezip i parey en zoli zenis ki'n ganny pike par en mous ki sorti dan Nor.

Zeremi 46:24

Sa zoli Lezip in ganny imilye. In tonm anba dominasyon en pep sorti dan Nor.

Zeremi 48:39

Moab in ganny kraze! Plere! Moab i dan laont. In vir son ledo avek mwan. Pour tou son bann vwazen, i pou dezormen en size laont.

Zeremi 6:22

La sa ki SENYER i deklare: En pep ki sorti dan Nor pe vini; sa i en gran nasyon ki sorti byen lwen.

Zeremi 8:16

Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Danyel 11:22

Tou troup larme pou ganny detri devan li; sef lalyans osi.

Nahoum 1:8

menm kan en gro laroul i balye tou. I pou detri son bann ladverser. I pou pourswiv son bann lennmi dan fernwanr.

1 Korentyen 10:26

Annefe, Lekritir i deklare: Later avek tou sa ki ladan, i propriyete Senyer.

1 Korentyen 10:28

Me si en dimoun i dir ou: Sa lavyann ti'n ganny ofer koman sakrifis an loner bann zidol; pa manze par konsiderasyon pour sa dimoun ki'n fer ou sa remark, e pour en rezon konsyans.

Let Zak 5:1

Zot bann ris! Aprezan ekoute: Plere, kriye akoz bann maler ki pou tonm lo zot.

Revelasyon 17:1

Apre sa, enn parmi bann lanz ki ti pe tenir sa set lakoup ti vin koz avek mwan: Vini! Mon ava montre ou kondannasyon ki pe esper sa gran prostitye ki pe asize lo losean.

Revelasyon 17:15

Lanz ti dir mwan ankor: Losean kot ou ti war sa fanm prostitye pe asiz lo la, se bann pep, bann lafoul dimoun, bann nasyon ek bann lalang.