Zeremi 45:5 - Labib An Kreol Seselwa

⁵ E ou? Eski ou pe rod gran keksoz pour ou? Pa rode, akoz mon pe anvoy maler lo tou dimoun. Me ou, mon pou protez ou lavi koman en depouy lager, partou kot ou pou ale.

Zeremi 45:5 ပူးပေါင်းရင်းမြစ်များ

Zenez 6:12

Bondye ti war ki later ti'n koronpi.

1 Rwa 3:11

Alor, Bondye ti dir Salomon, “Akoz ou pa'n demann ni pour viv lontan, ni larises, ni lanmor ou bann lennmi, me ou'n demann lasazes pour gouvern avek lazistis,

1 Rwa 3:9

Donn mwan, SENYER, disernman neseser pour gouvern ou pep, pour mwan disern sa ki bon ek sa ki move. Lekel ki kapab gouvern ou gran pep!”

2 Rwa 5:26

Me i ti dir li, “Pa mon ti avek ou annespri ler en zonm ti desann, sorti lo son kales pour vin zwenn ou? Eski sa i en letan pour aksepte larzan ek lenz, plantasyon zoliv ek plantasyon rezen, mouton ek bef, serviter ek servant?

Psonm 131:1

SENYER! Dan mon leker napa lorgey, mon lizye napa pretansyon. Mon pa esey fer keksoz ki depas mwan.

Ezai 66:16

Annefe, SENYER pou egzekit son zizman dan dife e son pinisyon pour lo tou dimoun; SENYER pou masakre en kantite zot!

Zeremi 21:9

Tou dimoun ki ava reste dan lavil pou ganny masakre oubyen mor par lafanmin, oubyen par lepidemi. Me sa bann parmi zot ki ava sorti e ki ava rann zot avek bann Babilonyen ki pe anserkle lavil, zot pa pou ganny touye. Omwen, zot ava'n kapab sov zot lavi.

Zeremi 25:15

La parol ki SENYER, Bondye Izrael ti dir mwan: Pran sa lakoup ki dan mon lanmen. I ranpli avek diven mon lakoler. Al kot tou bann nasyon kot mon pou anvoy ou e fer zot bwar.

Zeremi 25:16

Kan zot ava bwar sa diven, zot latet pou vire, zot pou sou e zot pou vin fou ler zot ava war sa masak ki mon pe anmenn lo zot.

Zeremi 25:26

tou bann lerwa sorti dan Nor, pros oubyen lwen, enn apre lot, e tou bann rwayonm partou lo later, zot ti bezwen bwar dan sa lakoup. Dernyen dimoun ki ti bwar, ti lerwa Babilonn.

Zeremi 25:31

Son lavwa pou rezonnen dan tou kwen later. SENYER in ouver en prose kont bann nasyon. I pou apel tou dimoun devan tribinal pour zizman. Bann malfeter pou ganny masakre, SENYER i deklare.

Zeremi 38:2

La sa ki SENYER i deklare: Tou dimoun ki kontinyen reste dan sa lavil pou mor par lepe, par lafen ou byen par lepidemi. Me sa enn ki sorti pour rann son lekor avek bann Babilonyen, pou reste vivan. Omwen i ava sov son lavi.

Zeremi 39:18

Mon pou protez ou pour ki personn pa pou kapab touy ou. Ou pou sov ou lavi akoz ou ti met ou konfyans dan mwan, SENYER i deklare.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

Romen 12:16

Viv an akor avek tou zot kanmarad. Pa bezwen annan lorgey, me aksepte bann travay ki senp. Pa bezwen annan en tro gran lopinyon lo zot menm.

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.