Zeremi 45:1 - Labib An Kreol Seselwa

¹ Dan katriyenm lannen, kan Yoyakim, garson Zozyas, ti lerwa Zida, Zeremi ti dikte son mesaz avek Barouk, garson Neriya:

Zeremi 45:1 ပူးပေါင်းရင်းမြစ်များ

2 Rwa 24:1

Dan sa lepok, Naboukodonozor, lerwa Babilonn ti sorti pour al fer lager. Yoyakim ti anba son pouvwar pandan 3 an. Apre, i ti revolte kont li.

2 Kronik 36:5

Yoyakim ti annan 25 an ler i ti vin lerwa e i ti renny pandan 11 an dan Zerizalenm. Bann aksyon degoutan ki i ti komet pa ti fer plezir SENYER, son Bondye.

Zeremi 25:1

Dan katriyenm lannen ki Yoyakim, garson Zozyas ti lerwa Zida, SENYER ti adres en mesaz avek Zeremi, konsernan tou bann zabitan dan Zida.

Zeremi 26:1

Zis apre ki Zoyakim, garson Zozyas ti vin lerwa Zida, SENYER ti koz avek mwan:

Zeremi 32:12

An prezans Hanameel e devan bann temwen, mon ti donn sa kontra lavant Barouk, garson Neriya e gran garson Maseya. Tou bann dimoun ki ti dan lakour kordgard ti osi temwen.

Zeremi 32:16

Kan mon ti'n donn Barouk, garson Neriya, bann lakt lavant, mon ti fer sa lapriyer:

Zeremi 36:1

Dan katriyenm lannen, kan Yoyakim, garson Zozyas ti lerwa Zida, la parol ki SENYER ti adres Zeremi:

Zeremi 36:2

Pran en liv e ekri tou sa bann parol ki mon ti dir ou lo Izrael, Zida ek tou bann nasyon, depi lepok Zozyas ziska ozordi.

Zeremi 36:26

Alor, lerwa ti donn lord son garson Zerameel ek Seraya, garson Azriel ek Selemia, garson Abdeel, pour al aret profet Zeremi ek Barouk son sekreter. Me SENYER ti kasyet zot.

Zeremi 36:32

Zeremi ti pran en lot liv roulo ki i ti donn Barouk, garson Neriya, ki ti sekreter. Barouk ti ekri sa ki Zeremi ti dikte li. I ti ekri tou sa ki ti lo premye roulo e ki Yoyakim, lerwa Zida ti'n brile. Ti annan osi lezot mesaz parey.

Zeremi 36:4

Alor, Zeremi ti apel Barouk, garson Neriya. Barouk ti ekri lo en liv, tou bann parol ki Zeremi ti dikte li e ki SENYER ti'n dir li.

Zeremi 45:2

La sa ki SENYER, Bondye Izrael i dir ou Barouk:

Zeremi 46:2

Lo size Lezip: Konsernan larme Faraon Neko, lerwa Lezip ki ti lo larivyer Efrat, dan Karkemis, e ki ti'n ganny bate par Naboukodonozor, lerwa Babilonn, dan katriyenm lannen renny Yoyakim, garson Zosyas, lerwa Zida:

Zeremi 51:59

La lord ki profet Zeremi ti donn Seraya, garson Neriya, garson Mahaseya, kan i al Babilonn avek Sedesyas, lerwa Zida, dan katriyenm lannen ki Sedesyas ti lerwa, Seraya ti sef dan group bann deporte.

Danyel 1:1

Dan trwazyenm lannen ki Yoyakim ti lerwa Zida, Naboukodonozor, lerwa Babilonn, ti vin anserkle Zerizalenm.