Zeremi 43:2 - Labib An Kreol Seselwa

² Azarya, garson Hosaya e Yohanann, garson Karea, ek bann zonm arogan ti reponn Zeremi: I pa vre. SENYER nou Bondye pa'n anvoy ou dir pa al reste Lezip.

Zeremi 43:2 ပူးပေါင်းရင်းမြစ်များ

Zenez 19:14

Alor, Lot ti al kot son bann zann, sa bann ki ti pou marye avek son bann fiy. I ti dir zot, “Leve! Kit sa landrwa, akoz SENYER pou detri lavil.” Me son bann zann ti pran sa koman en fars.

2 Kronik 36:13

Sedesyas ti revolte osi kont lerwa Naboukodonozor ki ti'n fer li pret serman lo non SENYER. Olye retourn ver SENYER, Bondye Izrael, i ti montre li retif e antete.

Psonm 119:21

Ou reprimann bann arogan, bann modi ki mars lwen avek ou komannman.

Psonm 12:3

SENYER! Elimin bann flater ek sa bann gran labous ki dir:

Psonm 123:4

Nou'n rasazye avek lensilt bann ensolan, avek lensolans ek imilyasyon bann arogan.

Egzod 5:2

Faraon ti dir, “Lekel li sa SENYER pour ki mon devre ekoute e les pep Izrael ale? Mon pa konn sa SENYER. Mon pa pou les pep Izrael ale.”

Egzod 9:17

Ou ankor pe met lobstak kont mon pep e refize les zot ale.

Proverb 16:5

SENYER i deteste dimoun arogan; sirman zot pou ganny pini.

Proverb 30:9

Annefe, si mon vin tro ris, mon riske trai ou e dir: Lekel li SENYER? E si mon vin tro pov, mon kapab vin en voler. Alor, mon pou nepli annan respe pour non Bondye.

Proverb 6:17

En regar meprizan, en labous mansonz, lanmen ki fer koule disan inosan;

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Ezai 7:9

Samari i kapital Efraim e garson Remalia i sef Samari. Si ou napa lafwa ou pa pou kapab tenir.

Ezai 9:8

SENYER in anvoy en parol kont Zakob; in tonm lo Izrael.

Zeremi 13:15

Pep Izrael! Ekout sa ki SENYER i deklare: Aret fer vantar.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Zeremi 40:8

zot ti al Mispa pour war Gedalya. Ti annan Ismael, garson Netanya, Yohanann, garson Karea, Seraya, garson Tanoumet, bann zanfan Efai ki sorti Netofat, e Yezanya ki sorti Maaka.

Zeremi 41:16

Apre sa, Yohanann ek bann sef ki ti pe akonpanny li, ti rasanble tou sa bann ki ti ankor vivan e ki Ismael ti'n anmenn Mispa, apre ki Gedalya ti'n ganny asasinen: Gerye, fanm, zanfan ek bann enik.

Zeremi 41:18

Annefe, zot ti per bann Babilonyen depi ki Ismael ti'n asasin Gedalya, ki lerwa Babilonyen ti'n nonmen koman gouverner Zida.

Zeremi 42:1

Apre sa, tou bann sef, Yohanann, garson Karea e Azarya, garson Osaya ek tou lepep, depi pli pti ziska pli gran, ti al

Zeremi 42:20

Zot pe fer en gro fot. Zot ti demann mwan priy SENYER nou Bondye pour zot, e zot ti promet ki zot pou fer tou sa ki i pou dir zot fer.

Zeremi 42:5

Zot ti dir Zeremi, “Nou promet pour fer egzakteman tou sa ki SENYER ou Bondye i ava anvoy ou dir nou. Nou pran li koman temwen sir lo sa promes ki SENYER in anvoy avek ou pour nou.

Zeremi 43:1

Ler Zeremi ti'n fini raport tou sa ki SENYER zot Bondye ti'n anvoy li dir sa bann dimoun,

Zeremi 44:16

Nou refize ekout mesaz ki ou'n dir sorti kot SENYER.

Let Zak 4:6

Me lagras ki Bondye i donnen i siperyer. Annefe, Lekritir i deklare: Bondye i reziste bann ki orgeye, me i donn son lagras bann ki annan limilite.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.