Zeremi 42:2 - Labib An Kreol Seselwa

² kot profet Zeremi. Zot ti dir li, “Nou sipliy ou, priy SENYER ou Bondye pour nou. Priy pour nou tou ki'n reste vivan. Parey ou kapab war ou menm, i pa reste bokou nou.

Zeremi 42:2 ပူးပေါင်းရင်းမြစ်များ

1 Rwa 13:6

Lerwa ti dir sa profet Bondye, “Sipliy SENYER ou Bondye pour ki mon lanmen i geri.” Sa profet Bondye ti priy SENYER, e lanmen lerwa ti geri e i ti retourn parey avan.

Psonm 119:170

Aksepte mon lapriyer e delivre mwan parey ou'n promet.

Egzod 8:28

Alor Faraon ti dir, “Mon pou les zot ale pour ofer sakrifis pour zot Bondye dan dezer, me selman pa al tro lwen. Priy pour mwan.”

Egzod 9:28

Sipliy SENYER pour ki i fer arete loraz ek lagrel. Mon pou les zot ale; nou pa pou gard zot pli lontan.”

Ezai 1:15

Ler zot lev zot lanmen ver mwan, mon pou ferm mon lizye. Menm si zot fer bokou lapriyer, mon pa pou ekoute; zot lanmen i ranpli avek disan.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Ezai 37:4

Petet SENYER ou Bondye in antann bann parol Ed de kan ki son met, lerwa Asiri, in anvoye pour ensilte Bondye vivan; petet ki i ava pini li pour sa bann parol ki SENYER ou Bondye in tande. Alor, priy pour restan pep ki ankor vivan.

Ezai 42:20

I war en kantite keksoz, me i pa fer atansyon. Son zorey i ouver, me i pa tande.

Zeremi 15:11

Pourtan, SENYER ti'n dir mwan: Mon promet ou ki mon pou delivre ou pour en bon rezon. Mon promet ou ki mon pou fer ou lennmi vin sipliy ou, kan i pou dan maler.

Zeremi 2:27

Zot dir avek en bondye an bwa: Ou menm mon papa! E avek en stati ros: Ou ki'n donn mwan lavi! Olye met ou konfyans dan mwan, ou'n tourn ou ledo avek mwan. Me zour ou pou dan traka, ou pou kriye: Leve! Vin sov mwan.

Zeremi 21:2

Konsilte SENYER pour nou, akoz Naboukodonozor, lerwa Babilonn, pe fer lager kont nou. Kekfwa SENYER ava fer en mirak dan nou faver e fer Naboukodonozor sorti kot nou.

Zeremi 36:7

Kekfwa zot ava priy SENYER e ki zot ava sanz zot lavi, akoz SENYER in menas sa pep avek en gran lakoler.

Zeremi 37:20

Aprezan, mon demann ou, mon senyer lerwa, ekout mwan. Ekout sa ki mon pou demann ou: Mon sipliy ou, pa ranvoy mwan kot sekreter Zonatan. Sankwa mon pou mor.”

Zeremi 37:3

Pourtan, lerwa Sedesyas ti anvoy Yeoukal, garson Selemia avek pret Sofoni, garson Maaseya, kot profet Zeremi. Zot ti dir li: Priy SENYER nou Bondye pour nou.

Zeremi 38:14

Lerwa Sedesyas ti fer profet Zeremi vin kot li. Fas a fas dan trwazyenm lantre tanp, i ti dir li, “Mon pou poz ou en kestyon; dir mwan laverite.”

Zeremi 40:15

Dan Mispa, Yohanann ti dir an sekre avek Gedalya, “Les mwan al touy Ismael, garson Netanya. Personn pa pou konnen lekel ki ti fer sa. Akfer donn li lokazyon pran ou lavi? Si i touy ou, tou bann Izraelit ki'n rasanble otour ou pou ganny deporte ankor en fwa. Sa i pou en gran dezas pour bann dimoun ki reste dan rwayonm Zida.”

Zeremi 42:20

Zot pe fer en gro fot. Zot ti demann mwan priy SENYER nou Bondye pour zot, e zot ti promet ki zot pou fer tou sa ki i pou dir zot fer.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Ezekyel 12:16

Me mon pou eparny en pe zonm parmi zot ki pou sape dan lager, lafanmin ek lepidemi, pour ki zot rakont partou dan pei kot zot ale, tou zot bann pratik degoutan ki zot in komet. Alor, bann zabitan ava konnen ki mwan menm SENYER.

Oze 8:10

Kanmenm zot in pey bann nasyon, mon pou rasanble zot. Zot pou soufer anba fardo zot bann lerwa ek zot bann sef.

Levitik 26:22

Mon pou anvoy kont zot bann zannimo sovaz ki ava touy zot bann zanfan e detri zot bann troupo. Zot pou disparet e zot semen pou vin dezer.

Amos 7:2

Kan bann sotrel ti'n fini manz tou zerb dan pei, mon ti kriye: Senyer BONDYE! Pardonn ou pep! Ki mannyer Zakob pou kapab sirviv? I telman pti!

Matye 24:22

Me si Bondye pa ti'n rakoursi sa bann zour, personn pa ti pou ganny sove. Me Bondye in rakoursi sa bann zour, akoz son pep ki i'n swazir.

Akt de Zapot 8:24

Simon ti reponn, “Ou menm, priy Senyer pour mwan pour ki okenn sa bann keksoz ki ou'n dir pa ariv mwan.”

Deterononm 28:62

Otrefwa, ou ti en nasyon nonbre parey bann zetwal dan lesyel. Me akoz ou pa'n obei SENYER, ou Bondye, i pou reste zis en pti pwannyen zot.

Deterononm 28:63

SENYER ti kontan fer ou prospere e vin nonbre. Li menm SENYER pou kontan anmenn ou dan larin ek destriksyon; ou pou ganny derasinen dan sa pei ki ou pe al pran posesyon.

Deterononm 4:27

SENYER pou dispers zot parmi bann pep. Zis en pti kantite zot ki pou reste parmi bann nasyon kot SENYER ava fors zot ale.

Let Zak 5:16

Alor, konfes zot pese avek kanmarad, priy pour kanmarad, pour ki zot ava ganny gerizon. Lapriyer senser en dimoun zis, i fer bokou lefe.

1 Samyel 12:19

Lepep antye ti dir Samyel, “Priy SENYER ou Bondye pour nou, ou bann serviter, pour ki nou pa mor, akoz, avek tou nou pese, nou'n azout sa enn, an demandan en lerwa.”

1 Samyel 12:23

Mon pa pou zanmen aret priy SENYER pour zot e fer pese kont li. Mon pou ansenny zot semen ki bon e drwat.

1 Samyel 7:8

Pep Izrael ti dir Samyel, “Kontinyen priy SENYER, nou Bondye pour nou, pour ki i sov nou dan lanmen bann Filisten.”