Zeremi 42:18 - Labib An Kreol Seselwa

¹⁸ Annefe, la sa ki SENYER liniver, Bondye Izrael i deklare: Sa lakoler ki mon ti devers lo zabitan Zerizalenm, mon pou fer li tonm lo zot, si zot al Lezip. Zot pou antre dan proverb malediksyon e pour ensilte dimoun. Zanmen zot pou revwar sa pei ankor.

Zeremi 42:18 ပူးပေါင်းရင်းမြစ်များ

2 Kronik 34:25

Akoz zot in abandonn mwan e zot in ofer lansan devan lezot bondye, zot in fer monte mon lakoler par zot bann aksyon. Alor, mon lakoler pou tonm lo sa lavil e i pa pou kalme.

Ezai 30:3

Pour sa rezon, proteksyon Faraon pou vin en laont pour zot, e proteksyon anba lonbraz Lezip, zot limilyasyon.

Ezai 65:15

Bann ki mon'n swazir, pou servi ou non koman en malediksyon: Senyer BONDYE pou detri zot. Me i pou donn son bann serviter en lot non.

Zeremi 18:16

Zot in telman devaste pei, ki tou dimoun ki pas par la i soke e sekwe latet.

Zeremi 22:27

Zanmen zot pou retourn dan sa pei ki zot ti sitan anvi war.

Zeremi 23:40

Mon pou kouver ou avek dezoner pour touzour e ou pa pou zanmen retrouv ou loner. Personn pas pou oubliy ou.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 26:6

alor, mon pour detri sa tanp parey mon ti fer kraz sa enn ki Silo e fer Zerizalenm vin en malediksyon pour tou bann nasyon ki lo later.

Zeremi 29:18

Mon pou kontinyen pourswiv zot avek lager, lafanmin e lepidemi, de sort ki tou bann rwayonm lo later ava tranble avek lafreyer kan zot ava war tousala. Partou kot mon pou dispers zot, dimoun pou soke e zot pou per kan zot ava war sa ki'n ariv zot. Dimoun pou mepriz zot e zot non pou vin en malediksyon.

Zeremi 29:22

Akoz zot, parol malediksyon ki pou ganny servi par bann deporte ki sorti Zida dan Babilonn. Zot pou dir: Nou demann SENYER tret ou parey Sedesyas ek Akab ki lerwa Babilonn ti fer brile vivan.

Zeremi 33:5

Sa pou zis ranpli lavil avek en ta kadav sa bann dimoun ki mon pou detri dan mon gran lakoler. Bann zabitan Zerizalenm in komet en kantite move keksoz ki mon pa oule war.

Zeremi 44:12

Tou restan lepep ki ankor vivan dan Zida ki'n deside refizye Lezip, pou ganny detri laba. Zot tou, gran koman pti, zot pou mor Lezip swa par lager, swa par lafanmin. Zot pou antre dan proverb pour donn malediksyon e pour ensilte dimoun.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.

Zeremi 44:6

Alor, parey en dife, lavyolans mon lakoler e mon lendinyasyon in bril bann lavil Zida e bann lari dan Zerizalenm. Tou i an rin, tou i zis en dezer ziska ozordi.

Zeremi 44:8

Akoz zot provok mon lakoler par zot bann move aksyon e par bann sakrifis an loner bann bondye dan pei Lezip, kot zot in vin reste? Sa ki zot pe fer, pe detri zot e fer zot vin en legzanp malediksyon ek laont pour tou bann nasyon dan lemonn.

Zeremi 6:11

Mon ranpli avek lakoler SENYER, ki bril dan mwan; mon nepli kapab tenir. Tir ou lakoler lo bann zanfan dan lari, lo tou bann zennzan. Tou dimoun pou ganny deporte, mari ek fanm; menm bann vyeyar. Personn pa pou ganny eparnyen.

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Lamantasyon 2:4

Parey en lennmi, i'n viz son fles lo nou, son lanmen drwat i pare pour tire. I'n touy tou sa ki nou ti pli kontan admire. I'n devers son lakoler, parey en dife lo Siyon.

Lamantasyon 2:6

I'n defons son miray konmsi baraz en zarden e detri landrwa kot zot rankontre. SENYER in fer pep Izrael oubliy bann zour lafet ek saba. Dan son gran lakoler, in abes bann lerwa ek bann pret.

Lamantasyon 4:11

SENYER in les deborde son lakoler; i'n repann son lakoler partou. I'n alim en dife dan Zerizalenm ki'n bril ziska son fondasyon.

Ezekyel 20:34

Mon pou fer zot sorti parmi bann diferan nasyon kot zot in disperse. Mon pou tir zot partou dan bann pei kot zot ete e rasanble zot; mon pou montre zot lafors ek pwisans mon lakoler.

Ezekyel 22:22

Mon pou fonn zot parey larzan i ganny fonn dan dife. Alor, zot ava konnen ki mwan menm SENYER ki'n devers mon lakoler lo zot.

Danyel 9:11

Izrael antye in pas akote ou lalwa e i'n detournen san ekout ou parol. Alor, bann malediksyon ki asosye avek bann serman dan lalwa Moiz, serviter Bondye, in ganny deverse lo nou, akoz nou bann pese.

Danyel 9:27

I pou fer en lalyans solid avek bokou pour en semenn; e pandan lanmwatye en semenn, i pou fer arete sakrifis ek lofrann. En devastater pou met anplas en pratik degoutan, ziska son prop destriksyon, dapre sa ki'n ganny deside.

Oze 7:16

Zot in tourn ver sa ki pa anmenn okenn profi. Zot parey en fles tord. Zot sef pou tonbe dan lager, akoz zot bann parol arogan; dan Lezip, zot pou ganny riye.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Zakari 8:13

Parey tribi Zida ek tribi Izrael ti anmenn malediksyon parmi bann nasyon, mon pou sov zot e zot pou anmenn benediksyon. Pa per! Pran kouraz!

Nonm 5:27

Apre ki pret in fer li bwar sa delo, la sa ki pou arive: Si i koupab e ki i'n tronp son mari, sa delo ki donn malediksyon pou penetre dan li e donn li douler; son vant pou gonfle e son kwis pou deperi. Sa fanm pou vin parey in dir dan son serman. I ava vin en legzanp malediksyon parmi son pep.

Revelasyon 14:10

li osi, i pou bwar diven lakoler Bondye ki'n ganny verse san melanz, dan lakoup son lakoler. I pou ganny tourmante dan dife ek souf, devan bann lanz sen e devan Zenn Mouton.