Zeremi 42:14 - Labib An Kreol Seselwa

¹⁴ e si zot dir: Non, nou pa oule viv dan sa pei, me nou prefer al viv Lezip. Laba, pou nepli annan lager, nou pa pou antann son tronpet ki anons lager, nou pa pou soufer lafen. Laba ki nou oule reste.

Zeremi 42:14 ပူးပေါင်းရင်းမြစ်များ

Egzod 16:3

Pep Izrael ti dir zot, “Plito SENYER ti'n touy nou depi Lezip kot nou ti asiz devan bann marmit lavyann, kot nou ti manz dipen nou vant plen. Ou'n anmenn sa pep antye dan dezer pour li mor lafen.”

Egzod 17:3

Annefe, lepep ti swaf e zot ti mirmire kont Moiz, “Akoz ou'n fer nou sorti Lezip? Eski ou anvi touy nou, nou bann zanfan ek nou zannimo par laswaf?”

Ezai 30:16

Ou'n dir: Non! Nou pou sove lo seval. Alor, zot pou sove! Zot dir osi: Nou bann seval i rapid! Alor! Bann ki pourswiv zot pou osi rapid.

Ezai 30:2

Zot deside pour desann Lezip san demann mwan konsey; zot al rod refiz anba proteksyon Faraon e rod en labri dan lonbraz Lezip.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Zeremi 4:19

Zot! Mon vant i fer mal. I vreman fer mal! Mon leker pe palpit anmor. Mon pa kapab reste trankil. Mon bezwen koze. Mon antann tronpet pe soufle ek bann tapaz lager.

Zeremi 4:21

Konbyen letan ankor mon pou war bann bannyer lager e antann tronpet lager sonnen?

Zeremi 41:17

Zot ti ale, e zot ti aret dan kan Kimhanm, ki pre Betlehenm, avek lentansyon al Lezip.

Zeremi 43:7

Donk, zot ti refize obei lord SENYER e zot ti al Lezip. Zot ti ariv Tafanes.

Nonm 14:3

Akoz SENYER i anvi fer nou antre dan sa pei, si nou bezwen ganny masakre? Nou bann zanfan ek nou fanm pou ganny pran otaz! Pa ti ava preferab pour nou retourn Lezip?

Nonm 14:4

Alor, zot ti dir ant zot: Annou rod en sef e nou ava retourn Lezip.

Nonm 16:13

I pa ase ki ou'n deza fer nou sorti dan en pei kot i koul dile ek dimyel, pour anmenn nou mor dan dezer? Aprezan, ou oule kontinyen domin nou koman nou sef?

Deterononm 17:16

Me fodre pa ki i posed bokou seval; ni fer lepep retourn Lezip pour li aste plis seval. Annefe, SENYER in dir ou: Ou pa pou zanmen retourn dan sa pei ankor.

Deterononm 29:19

Zot tou ki'n antann bann parol sa serman, pa felisit zot lekor par dir dan zot leker: Nou an sekirite menm si nou persiste dan nou move konportman, konmsi later ki'n ganny aroze, nepli swaf.