Zeremi 41:9 - Labib An Kreol Seselwa

⁹ Ismael ti'n zet lekor bann zonm ki i ti'n touye, dan sitern sa gran pi ki lerwa Asa ti fer fouye pandan ki i ti pe lager kont Basa, lerwa Izrael. Dan sanmenm sa pi ki Ismael ti'n fer zet bann kadav.

Zeremi 41:9 ပူးပေါင်းရင်းမြစ်များ

2 Samyel 17:9

Mon asire ki konmela menm, i pe kasyet dan kek trou, oubyen dan en lot landrwa. Si i arive ki i annan ki ganny touye parmi nou, nouvel pou fannen e dimoun pou dir: Larme Absalon in ganny bate.

Ezai 14:19

Me ou, ou'n ganny zete deor ou latonm. Ou parey en zanfan ki'n mor an nesan. Ou parey bann lekor mor ki'n ganny perse avek lepe e ki'n ganny zete lo ros dan trou, parey en kadav ki'n ganny kraze anba lipye.

Ebre 11:38

Lemonn ti napa okenn valer pour zot. Zot ti eran dan dezer e dan montanny. Zot ti viv dan kavern ros, e bann trou dan later.

Ziz 6:2

Bann Madyanit ti fer Izrael santi zot pouvwar. Akoz zot, pep Izrael ti al reste dan bann krevas dan montanny, bann lagrot e dan bann presipis.

1 Samyel 13:6

Kan Bann zonm Izrael ti war ki zot ti dan difikilte akoz lepep ti'n ganny kwense, zot ti al kasyet dan bann kavern, dan bann trou, anba ros, dan souteren e dan bann sitern.

1 Samyel 14:11

Alor, tou le de ti prezant zot devan post bann Filisten. Bann Filisten ti dir, “Gete! La bann Ebre pe sorti dan bann trou kot zot ti pe kasyet.”

1 Samyel 14:22

Ler bann Izraelit ki ti pe kasyet dan rezyon montanny Efraim ti tande ki bann Filisten ti pe sove, zot osi zot ti zwenn ansanm dan lager, dan en konba pli sere.

1 Samyel 24:3

I ti ariv kot bann park mouton ek kabri ki ti obor semen e kot ti annan en kavern. Sail ti antre pour fer son bezwen. David ek son bann zonm ti dan fon sa kavern.