Zeremi 41:2 - Labib An Kreol Seselwa

² Ismael ti leve e sa 10 zonm ti fer parey. Zot ti touy Gedalya, garson Ahikanm, garson Safann, akoz lerwa Babilonn ti'n nonm li gouverner pei.

Zeremi 41:2 ပူးပေါင်းရင်းမြစ်များ

2 Samyel 3:27

Ler Abner ti arive sorti Hebron, Zoab ti anmenn li alekar, anndan baro lavil, pour koz an prive avek li. Pour vanz lanmor son frer Asael, Zoab ti pik Abner dan son vant, e i ti mor.

2 Rwa 25:25

Me setyenm mwan, Ismael, garson Netanya, garson Elisama ki ti en desandan rwayal, ti vin avek dis zonm. I ti atak Gedalya e touy li avek tou bann Zideen ek bann Babilonyen ki ti la avek li Mispa.

Psonm 109:5

Me zot rann mwan dimal pour dibyen; laenn dan plas lanmitye.

Psonm 41:9

Menm mon meyer zanmi avek ki mon ti fer konfyans, ki'n partaz mon repa, in vir kont mwan.

Zeremi 40:14

Zot ti demann li si i ti okouran ki Baalis, lerwa bann Amonit in anvoy Ismael, garson Netanya pour touy li. Me Gedalya pa ti oule krwar.

Zeremi 40:16

Me Gedalya, garson Ahikanm, ti reponn Yohanann, garson Karea, “Pa fer sa! Sa ki ou pe dir lo Ismael pa vre.”

Zeremi 40:5

Zeremi pa ti ganny letan vir son ledo, ki Nabouzeradann ti azoute: Retourn kot Gedalya, garson Ahikanm, garson Safann, ki lerwa Babilonn in nonm gouverner bann lavil Zida. Ou kapab al reste kot li e viv parmi bann zabitan. Ou kapab osi al kot ou anvi. Sef bann gard ti donn Zeremi provizyon manze ek bann kado. Apre, i ti les li ale.

Zeremi 40:7

Kan tou bann zofisye avek zot sef ki pa ti'n rann zarm, ti aprann ki lerwa Babilonn ti'n nonm Gedalya, garson Ahikanm, gouverner pei e ki i ti'n met li ansarz bann dimoun ki pli pov, zonm, fanm ek zanfan ki pa ti'n ganny deporte Babilonn,

Zeremi 40:8

zot ti al Mispa pour war Gedalya. Ti annan Ismael, garson Netanya, Yohanann, garson Karea, Seraya, garson Tanoumet, bann zanfan Efai ki sorti Netofat, e Yezanya ki sorti Maaka.

Zeremi 41:3

Ismael ti osi touy bann Izraelit ki ti Mispa avek Gedalya ek bann gerye Babilonyen.

Levanzil dapre Zan 13:18

Mon pa pe koz lo zot tou. Mon konnen lekel ki mon'n swazir. Me fodre ki sa parol Lekritir i realize: Sa enn ki'n partaz mon dipen, in lev son talon kont mwan.