Zeremi 41:18 - Labib An Kreol Seselwa

¹⁸ Annefe, zot ti per bann Babilonyen depi ki Ismael ti'n asasin Gedalya, ki lerwa Babilonyen ti'n nonmen koman gouverner Zida.

Zeremi 41:18 ပူးပေါင်းရင်းမြစ်များ

2 Rwa 25:22

Parmi lepep ki ti reste dan pei Zida, sa bann ki Naboukodonozor, lerwa Babilonn ti'n les reste deryer, i ti swazir Gedalya, garson Ahikanm, e garson Safann, koman gouverner.

2 Rwa 25:25

Me setyenm mwan, Ismael, garson Netanya, garson Elisama ki ti en desandan rwayal, ti vin avek dis zonm. I ti atak Gedalya e touy li avek tou bann Zideen ek bann Babilonyen ki ti la avek li Mispa.

Ezai 57:11

Lekel ki fer zot enkyet e fer zot per pour zot koz manti e oubliy mwan, pour ki zot pa reflesir? Eski akoz mon ti gard silans e ferm mon lizye depi lontan, ki ou pa ti per mwan?

Zeremi 40:5

Zeremi pa ti ganny letan vir son ledo, ki Nabouzeradann ti azoute: Retourn kot Gedalya, garson Ahikanm, garson Safann, ki lerwa Babilonn in nonm gouverner bann lavil Zida. Ou kapab al reste kot li e viv parmi bann zabitan. Ou kapab osi al kot ou anvi. Sef bann gard ti donn Zeremi provizyon manze ek bann kado. Apre, i ti les li ale.

Zeremi 42:1

Apre sa, tou bann sef, Yohanann, garson Karea e Azarya, garson Osaya ek tou lepep, depi pli pti ziska pli gran, ti al

Zeremi 42:11

Aprezan, pa bezwen per lerwa Babilonn! Pa bezwen per li, akoz mon avek zot e mon pou sov zot, SENYER i deklare. Mon avek zot, mon pou delivre zot anba son pouvwar.

Zeremi 42:16

lager ki zot sitan per pou swiv zot laba Lezip; lafanmin ki donn zot en ta traka pou pourswiv zot laba Lezip kot zot pou mor.