Zeremi 41:16 - Labib An Kreol Seselwa

¹⁶ Apre sa, Yohanann ek bann sef ki ti pe akonpanny li, ti rasanble tou sa bann ki ti ankor vivan e ki Ismael ti'n anmenn Mispa, apre ki Gedalya ti'n ganny asasinen: Gerye, fanm, zanfan ek bann enik.

Zeremi 41:16 ပူးပေါင်းရင်းမြစ်များ

2 Rwa 25:23

Ler tou sef bann troup, avek zot bann zonm, ti tande ki lerwa Babilonn ti'n nonm Gedalya, zot ti al Mispa kot Gedalya avek zot bann zonm: Ismael, garson Netanya, Yohanann, garson Karea, Seraya, garson Tanhoumet, en zabitan Netofat, ek Yaazania, garson en Maakatit; zot tou avek zot bann zonm.

Zeremi 41:10

Apre, Ismael ti fer prizonnyen tou sa bann dimoun ki ti'n reste Mispa, bann fiy lerwa ek tou restan zabitan Mispa ki Nabouzeradann, sef bann gard ti'n met anba responsabilite Gedalya. I ti kit Mispa e al reste dan teritwar bann Amonit.

Zeremi 42:8

Alor, Zeremi ti konvok Yohanann, garson Karea, tou bann sef gerye ki ti avek li e tou lezot dimoun, pti koman gran.