Zeremi 40:5 - Labib An Kreol Seselwa

⁵ Zeremi pa ti ganny letan vir son ledo, ki Nabouzeradann ti azoute: Retourn kot Gedalya, garson Ahikanm, garson Safann, ki lerwa Babilonn in nonm gouverner bann lavil Zida. Ou kapab al reste kot li e viv parmi bann zabitan. Ou kapab osi al kot ou anvi. Sef bann gard ti donn Zeremi provizyon manze ek bann kado. Apre, i ti les li ale.

Zeremi 40:5 ပူးပေါင်းရင်းမြစ်များ

2 Rwa 22:12

Lerwa ti donn sa lord avek Gran-Pret Hilkiya ek Ahikanm, garson Safann, ek Akbor, garson Mise, sekreter Safann ek Asaya, serviter lerwa. I ti dir zot:

2 Rwa 22:14

Alor, Gran-Pret Hilkiya, Ahikanm, Akbor, Safann ek Asaya ti al kot profetes Houlda, fanm Saloum, garson Tikva, garson Arhas, responsab lenz tanp. Houlda ti pe reste Zerizalenm dan nouvo lavil.

2 Kronik 34:20

Apre, i ti fer apel Hilkiya, Aikanm, garson Safann, Abdonn, garson Mise, skrib Safann ek Asaya en serviter lerwa. I ti dir zot,

Esdras 7:27

Esdras ti dir, “Loue SENYER, Bondye nou bann zanset! I'n tous leker lerwa pour fer sa gran loner tanp SENYER ki Zerizalenm.

Esdras 7:6

Sa Esdras ki sorti Babilonn, ti en skrib, eksper dan lalwa Moiz ki SENYER, ki Bondye Izrael ti donn li. Lanmen SENYER, son Bondye, ti avek li; lerwa ti donn li tou sa ki i ti demande.

Nehemi 1:11

O SENYER! Ekout mon lapriyer e siplikasyon ou bann serviter ki pran plezir pour onor ou non. Fer ou serviter reisi ozordi e fer li ganny faver sa zonm.” Sa lepok mon ti responsab labwason lerwa.

Liv Zob 22:29

Bondye i abes bann orgeye, i sov dimoun ki pa arogan.

Proverb 16:7

Kan SENYER i kontan avek mannyer fer en zonm, i rekonsilye son prop lennmi avek li.

Proverb 21:1

Leker lerwa i en pti larivyer dan lanmen SENYER. I diriz li partou kot i oule.

Zeremi 15:11

Pourtan, SENYER ti'n dir mwan: Mon promet ou ki mon pou delivre ou pour en bon rezon. Mon promet ou ki mon pou fer ou lennmi vin sipliy ou, kan i pou dan maler.

Zeremi 26:24

Sepandan, Ahikanm, garson Safann, ti protez Zeremi e anpese ki i pa tonm dan lanmen lepep pour zot touy li.

Zeremi 39:14

pour anvoy bann gerye al sers Zeremi dan kordgard pour anmenn li kot Gedalya, garson Ahikanm e pti zanfan Safann. Gedalya, pour permet Zeremi retourn se li. Konmsa, Zeremi ti al reste parmi bann zabitan.

Zeremi 40:4

Ozordi menm, mon pou detas lasenn ki dan ou pwannyen. Ou kapab vin Babilonn avek mwan si oule e mon ava vey lo ou. Me pa santi ou oblize pour ou vin avek mwan Babilonn. Ou lib pour ou al partou kot oule dan pei.

Zeremi 41:1

Dan setyenm mwan, Ismael, garson Netanya, garson Elisama, en manm lafanmir rwayal e enn bann sef zofisye lerwa, ti al Mispa avek 10 zonm, pour li war Gedalya. Kan zot ti pe manze ansanm,

Zeremi 41:18

Annefe, zot ti per bann Babilonyen depi ki Ismael ti'n asasin Gedalya, ki lerwa Babilonyen ti'n nonmen koman gouverner Zida.

Zeremi 41:2

Ismael ti leve e sa 10 zonm ti fer parey. Zot ti touy Gedalya, garson Ahikanm, garson Safann, akoz lerwa Babilonn ti'n nonm li gouverner pei.

Akt de Zapot 27:3

Lannmen, nou ti ariv Sidon. Zilyis ti tret Pol avek respe. I ti permet li al war son bann zanmi pour li kapab ganny tou sa ki i ti bezwen.

Akt de Zapot 27:43

Me sa zofisye Romen ki ti oule sov Pol, ti anpes zot egzekit zot proze. I ti donn lord bann ki konn naze pour sot premye dan delo e al ater.

Akt de Zapot 28:10

Zot ti fer nou gran loner e kan nou bato ti kite, zot ti fourni nou avek tou provizyon ki nou ti bezwen.

Ebre 13:6

Pour sa rezon, nou kapab dir avek konfyans: Senyer i mon sekour, mon pa per personn. Ki dimoun i kapab fer mwan?