Zeremi 40:11 - Labib An Kreol Seselwa

¹¹ Kan bann zabitan Zida ki ti Moab, kot bann Amonit, dan pei Edonm ek lezot pei, ti aprann ki lerwa Babilonn ti'n permet en restan dimoun reste dan Zida e ki i ti'n nonm Gedalya, garson Ahikanm, garson Safann gouverner,

Zeremi 40:11 ပူးပေါင်းရင်းမြစ်များ

Zenez 36:8

Alor, Ezai ti al reste dan montanny Seir. Ezai, se li menm Edonm.

Ezai 11:14

Ansanm, zot pou atak bann Filisten dan Was. Ansanm, zot pou depouy bann zabitan dan Les. Edonm ek Moab pou tonm dan zot lanmen e bann Amonit pou anba zot dominasyon.

Ezai 16:4

Les bann refizye ki sorti Moab vin reste kot ou! Donn zot labri kot ou. Protez zot kont sa destrikter. Zour bann devastasyon ava'n arete, e ki bann destriksyon ava'n fini, bann diktater ava'n disparet dan pei.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Zeremi 41:10

Apre, Ismael ti fer prizonnyen tou sa bann dimoun ki ti'n reste Mispa, bann fiy lerwa ek tou restan zabitan Mispa ki Nabouzeradann, sef bann gard ti'n met anba responsabilite Gedalya. I ti kit Mispa e al reste dan teritwar bann Amonit.

Zeremi 43:5

Alor, Yohanann e tou bann sef son larme ti anmenn Lezip tou bann zabitan dan Zida ki ti ankor vivan. Sa ti konpran bann dimoun ki ti'n dabor ganny disperse en pe partou dan bann pei vwazen e ki apre, ti retourn viv dan Zida:

Zeremi 43:6

Zonm, fanm, zanfan e bann fiy lerwa. Zot ti pran tou sa bann dimoun ki Nabouzeradann, zofisye en sarz, ti'n les anba komann Gedalya, garson Ahikanm, garson Safann. Zot ti osi anmenn profet Zeremi ek Barouk, garson Neriya.

Zeremi 9:26

Lezip, Zida, Edonm, Amonn, Moab e sa bann ki reste dan dezer ki'n raz zot latet. Bann Izraelit i parey: Zot in ganny sirkonsi, me pa zot leker.

Ezekyel 25:12

La sa ki Senyer BONDYE i deklare: Akoz bann Edomit in azir avek vanzans kont pep Zida, e ki zot in komet en gro lofans par zot vanzans,

Ezekyel 25:2

Ou ki en imen, tourn ou ver bann Amonit e profetiz kont zot.

Ezekyel 25:6

La sa ki Senyer BONDYE i deklare: Akoz ou'n bat lanmen, ou'n danse, ou'n pile, ou'n selebre depi dan fon ou leker lo maler Izrael,

Ezekyel 25:8

La sa ki Senyer BONDYE i deklare: Akoz Moab ek Seir in dir: Pep Zida i parey tou lezot nasyon,

Ezekyel 34:6

Mon troupo in disperse partou dan bann montanny ek kolin. I'n disperse partou dan pei antye. Personn pa pran swen avek li; personn pa rod li.

Ezekyel 35:15

Akoz ou ti montre kontantman kan ou ti war patrimwann mon pep Izrael ganny devaste, mon pou fer parey avek ou. Rezyon montanny Seir ek Edonm antye, pou ganny devaste. Alor, zot ava konnen ki mwan menm SENYER.

Ezekyel 35:5

Annefe, ou'n touzour gard rankin kont Izrael, ou'n profite pour masakre zot dan moman zot maler, letan ki zot ti pe sibir konsekans zot bann fot.

Ezekyel 5:12

En tyer ou zabitan pou mor, swa par lepidemi, oubyen par lafanmin dan lavil; en tyer pou ganny masakre dan zalantour; en tyer, mon pou disperse par tou kote e mon pou servi mon lepe kont zot.

Ezekyel 5:3

Ou ava gard detrwa bren seve ki ou ava kasyet dan fon ou pos ou rob.

Nonm 22:1

Pep Izrael ti al kanp dan laplenn Moab, kote Les larivyer Zourden, vizavi Zeriko.

Nonm 25:1

Pandan ki pep Izrael ti'n enstal zot Sitim, zot ti tonm dan prostitisyon avek bann fanm Moabit.

Nonm 25:2

Sa bann fanm ti'n envit pep Izrael pour vin ofer sakrifis. Bann Izraelit ti manze e ador bann bondye Moab.

1 Samyel 11:1

Nahas, lerwa bann Amonit ti dres son kan kont Yabes-Galaad. Tou bann zonm Yabes ti dir Nahas, “Fer en lalyans avek nou e nou ava servi ou.”

1 Samyel 12:12

Kan zot ti war Nahas, lerwa bann Amonit, atak zot, zot ti dir: Nou oule en lerwa, nou osi pour gid nou. Pourtan SENYER, zot Bondye, ki zot lerwa.