Zeremi 40:10 - Labib An Kreol Seselwa

¹⁰ Mwan menm, mon pe enstal mwan isi Mispa, pour reprezant zot devan bann Babilonyen ki pe vini. Zot ava rekolte rezen, bann fri ek delwil. Gard sa bann rekolt an rezerv e enstal zot dan bann lavil ki zot pe okipe.

Zeremi 40:10 ပူးပေါင်းရင်းမြစ်များ

2 Samyel 16:1

David ti'n fek depas latet kolin, ler i ti zwenn Siba, serviter Mefi-Boset. I ti pe anmenn de bourik sele, sarze avek 200 dipen, 100 pake rezen sek, ek 100 pake fri sezon lete ek en barik diven.

1 Rwa 10:8

Ou bann fanm i ere; ou bann serviter ki servi ou toultan e antann ou bann parol lasazes i ere.

Proverb 22:29

Si en zonm i fer byen son travay, ava kapab servi bann lerwa; i pa pou travay pour dimoun ordiner.

Proverb 27:25

Kan zerb in ganny koupe, verdir i aparet, e zerb lo montanny i ganny ranmase.

Ezai 16:9

Pour sa rezon, mon plere avek bann zabitan Yazer, pour plantasyon rezen Sibma. Hesbonn! Eleale! Mon larm i koule pour ou akoz nou nepli antann sante dan letan rekolt rezen e rekolt dible.

Zeremi 35:19

Alor, la sa ki SENYER liniver, Bondye Izrael i deklare: Pour sa rezon, Yonadab, garson Rekab pou touzour annan en desandan pour servi mwan.

Zeremi 39:10

Me Nebouzaradann, sef bann gard, ti les dan pei, bann pov ki ti napa nanryen. I ti distribye avek zot bann plantasyon rezen ek bann kare later.

Zeremi 40:12

zot osi, zot ti retourn Zida e raport avek Gedalya, dan Mispa. Zot ti rekolte en gran kantite rezen; zot ti fer diven; zot ti ranmas bokou fri.

Zeremi 40:6

Zeremi ti al reste kot Gedalya, garson Ahikanm, dan Mispa; la, i ti viv parmi bann zabitan ki ti ankor pe reste dan pei.

Zeremi 43:5

Alor, Yohanann e tou bann sef son larme ti anmenn Lezip tou bann zabitan dan Zida ki ti ankor vivan. Sa ti konpran bann dimoun ki ti'n dabor ganny disperse en pe partou dan bann pei vwazen e ki apre, ti retourn viv dan Zida:

Zeremi 48:32

Mon pler pour zabitan Sibma ki parey en plantasyon rezen, plis ki mon ti plere pour zabitan Yazer. Son bann brans in file atraver lanmer Mor pour li al ziska Yazer. Me en lennmi in detri son rekolt; son bann grap in ganny detri.

Mise 7:1

Gran maler lo mwan! Mon'n vin parey sa enn ki, apre rekolt fri lete, apre ki lasezon rezen in fini, napa en sel grap pour manze, ni en sel fig kont sezon ki mon kontan.

Levanzil dapre Lik 21:36

Pandan sa bann zour, veye, pa arete priye. Konmsa, zot ava ganny lafors pour travers tou sa bann keksoz ki pou arive, e reste debout devan Fis-de-Lonm.”

Deterononm 1:38

Zozye garson Noun ou asistan ki pou antre. Donn li kouraz akoz i pou fer Izrael antre e pran posesyon sa pei.

Deterononm 16:13

Kan ou ava rekolte dible ki'n ganny bate ek diven ki sorti dan ou preswar, ou ava selebre lafet Latant pandan set zour.