Zeremi 40:1 - Labib An Kreol Seselwa

¹ Zeremi ti'n ganny atase avek lasenn e ganny anmennen Rama avek lezot dimoun sorti Zerizalenm e Zida ki ti pe ganny deporte Babilonn. Nabouzeradann, sef bann gard, ti fer larg li, e les li kit Rama. La, SENYER ti koz avek Zeremi.

Zeremi 40:1 ပူးပေါင်းရင်းမြစ်များ

2 Kronik 16:1

Dan trannsizyenm lannen ki Asa ti lerwa Zida, Baasa lerwa Izrael, ti atak Zida. I ti fer konstri en miray pour protez Rama, pour li anpes Asa ek okenn son bann dimoun pas par la.

Psonm 107:16

akoz i'n kas bann laport an bronz; i'n kas bann baro an fer.

Psonm 68:6

Bondye i donn en fanmir sa enn ki tousel. I ouver laport laliberte pour bann prizonnyen. Me bann ki revolte i viv dan en later sek.

Zeremi 31:15

La sa ki SENYER i deklare: Nou antann bann lavwa kriye asodlarm, sorti dan direksyon Rama. Sa i Rasel ki pe pler son bann zanfan. I refiz tou konsolasyon, akoz zot nepli la.

Zeremi 39:9

Finalman, Nebouzaradann sef bann gard, ti fer deport Babilonn, tou dimoun ki ti'n reste dan lavil. I ti fer deport osi popilasyon ki ti'n dezerte.

Zeremi 42:7

Dis zour plitar, SENYER ti koz avek Zeremi.

Ezekyel 33:21

Senkyenm zour, dizyenm mwan, dan douzyenm lannen apre deportasyon, en zonm ki ti'n sove sorti Zerizalenm ti vin dir mwan, “Lavil in tonbe.”

Akt de Zapot 21:13

Me Pol ti reponn, “Akoz zot pe plere konmsa e kas mon leker? Mwan mon pare pa zis pour ganny anmare, me menm pour mor pour nou Senyer Zezi dan Zerizalenm.”

Akt de Zapot 28:20

Pour sa rezon ki mon'n demann pour war zot e koz avek zot. Se akoz lespwar pep Izrael ki mon dan sa lasenn.”

Efezyen 6:20

Menm si mon prizonnyen, mon en anbasader Bonn Nouvel. Priye pour ki mon ava kapab koz avek lasirans ki fodre.

Zozye 18:25

Gabaon, Rama, Beerot,

1 Samyel 7:17

Apre, i ti retourn Rama, kot i ti reste. La osi, i ti ziz lepep. La, i ti konstri en lotel pour SENYER.