Zeremi 4:6 - Labib An Kreol Seselwa

⁶ Met en poto pour montre direksyon Siyon. Pa tarde al rod en labri. Pa aret dan semen. SENYER pe anvoy en dezas e en gran destriksyon sorti dan Nor.

Zeremi 4:6 ပူးပေါင်းရင်းမြစ်များ

Ezai 62:10

Zabitan Zerizalenm! Travers bann laport lavil! Degaz semen pour lepep. Nivle larout! Repar semen; tir tou ros; lev bannyer pour bann pep!

Zeremi 10:22

Ekout sa nouvel: En gran boulversman pe vini sorti dan Nor; i pou transform bann lavil Zida e fer zot vin parey en dezer kot zis zannimo sovaz ki pou reste.

Zeremi 18:11

Aprezan, al dir pep Zida e bann zabitan Zerizalenm ki mon pe mazin en maler pour zot, ki mon pe fer en plan kont zot. Sakenn i devre sorti dan son move lavi; sanz son mannyer viv ek son mannyer fer.

Zeremi 21:7

SENYER ti deklare: Kanta Sedesyas, lerwa Zida ek son bann sef ek tou dimoun ki'n sirviv lafanmin, lepe ek lepidemi, mon pou livre zot dan lanmen lerwa Naboukodonozor ek bann lennmi ki oule touy zot. Naboukodonozor pou masakre zot tou. I pa pou eparny personn, ni montre konpasyon oubyen pitye anver personn.

Zeremi 22:7

Mon pou anvoy bann zonm detri ou. Sakenn avek son zouti, pou koup ou bann pli zoli pye sed, e zet zot dan dife.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 4:21

Konbyen letan ankor mon pou war bann bannyer lager e antann tronpet lager sonnen?

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Zeremi 50:22

Tapaz lager i partou dan pei, bann gran destriksyon pe arive.

Zeremi 51:12

Donn sinyal pour atake! Ogmant kantite santinel! Met bann zonm dan maske, pare pour zot atak dimoun ki oule sove. Wi! SENYER in akonpli sa ki i ti dir i pou fer kont bann zabitan Babilonn.

Zeremi 51:27

Anonse dan tou pei! Fer soufle tronpet parmi bann nasyon! Mobiliz bann nasyon pour fer lager kont Babilonn! Konvok bann rwayonm Ararat, Mini, Askenaz pour zot atake. Nonm en sef pour diriz latak. Anvoy bann seval atake, parey lesen sotrel.

Zeremi 51:54

Ekoute! Zabitan Babilonn pe kriy osekour. Tapaz gran dezas i sorti dan pei Babilonn!

Zeremi 6:1

Zabitan tribi Benzamen! Sove! Kit Zerizalenm! Al rod proteksyon dan en lot landrwa. Sonn tronpet dan Tekoa; donn lavertisman dan Bet-Kerenm, akoz maler ek gran dezas pe arive sorti dan Nor.

Zeremi 6:22

La sa ki SENYER i deklare: En pep ki sorti dan Nor pe vini; sa i en gran nasyon ki sorti byen lwen.

Ezekyel 9:1

Apre, mon ti antann SENYER kriy byen for: Koste, zot ki egzekit pinisyon kont lavil, sakenn avek son zarm destriksyon.

Ezekyel 9:2

Alor, sis zonm ti arive par laport siperyer ki vir lo kote Nor. Sakenn ti annan son zarm pour masakre dan son lanmen. Parmi zot, ti annan en zonm abiye dan lenz linenn ki ti annan son lekipman pour ekri dan son kote. Zot ti antre e debout akote lotel an bronz.

Sofoni 1:10

La sa ki SENYER i deklare: Sa zour, zot pou antann kriye depi Laport Pwason. Zot pou antann irlman sorti dan Nouvo lavil; e en gran tapaz sorti dan kolin.

Zakari 6:6

Kales ki bann seval nwanr ti pe trennen, ti pe al dan direksyon Nor pei. Sa enn ki ti'n ganny trennen par bann seval blan ti swiv e al dan direksyon Was pei; sa enn ki pe ganny trennen par bann seval taste, ti pe al dan direksyon Sid.”