Zeremi 4:30 - Labib An Kreol Seselwa

³⁰ Zerizalenm! Ou pe al ganny detri. Akfer ou'n met ou pli zoli rob rouz? Akfer ou'n met ou bann bizou annor? Akfer ou'n penn ou lizye pou fer ou zoli? Me tousala pa servi dan nanryen; ou bann lanmoure in rezet ou e zot oule touy ou.

Zeremi 4:30 ပူးပေါင်းရင်းမြစ်များ

2 Rwa 9:30

Kan Zezabel ti aprann ki Zehou ti'n ariv Zizreel, i ti met far lo son lizye, aranz son seve e al get par lafnet.

Proverb 6:25

Pa dezir son labote dan ou leker e pa les li sedwir ou par son regar.

Proverb 7:10

Alor, en fanm ti apros li avek riz dan san leker, abiye parey en prostitye.

Ezai 10:3

Ki ou pou fer zour pinisyon, kan maler i arive sorti lwen? Kot ou pou taye pou rod led e kote ou pou kit ou larises?

Ezai 20:6

Sa zour, bann zabitan lakot sa pei pou dir: Gete ki'n arive avek sa bann dan ki nou ti'n met nou lespwar e kot ki nou ti sove pour al rod led ek delivrans kont lerwa Asiri! E nou! Ki mannyer nou pou sape ladan?

Ezai 33:14

Dan Siyon, bann ki koupab i dan lafreyer. Bann ki napa respe pour Bondye pe tranble: Lekel parmi nou ki kapab reste obor en dife ki devore? Lekel parmi nou ki kapab reste pre avek laflanm eternel?

Zeremi 13:21

I annan dimoun ki ou'n fer zanmi avek. Ki ou pou dir kan zot ava azir kont ou e domin ou? Douler pou pran ou parey en fanm ki dan douler lanfantman.

Zeremi 22:23

Ou pou viv trankilman dan lakaz fer avek dibwa sed sorti Liban, ler soufrans pou sezi ou. Ou pou kriye parey en fanm dan douler lakousman.

Zeremi 30:14

Tou ou bann lanmoure in oubliy ou; zot nepli pran ka avek ou. Mon'n atak ou parey en lennmi i fer; mon'n pini ou san pitye, akoz ou bann fot i tre grav e ou'n fer en kantite pese.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Lamantasyon 1:19

Mon ti apel mon bann zanmi, me zot in les mwan tonbe. Mon bann pret ek mon bann konseye in mor dan lavil, letan zot ti pe rod keksoz pour manze, pour zot kapab repran zot lafors.

Lamantasyon 1:2

I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Lamantasyon 4:17

Nou lizye in fatige esper led ki pa'n zanmen arive; nou'n veye san pozman, pour ki en nasyon vin sov nou.

Ezekyel 28:13

Ou ti reste dan Edenn, zarden Bondye. Ou ti kouver avek tou kalite pyer presyez: Ribi, topaz ek dyanman, krizolit, beril ek oniks, safir, grena ek emerod. Tou ou bann bizou ek ornman ti annor prepare depi sa zour ki ou ti ganny kree.

Ezekyel 28:9

Eski devan bann ki pe touy ou, ou pou kontinyen dir: Mon en bondye, menm si ou pa bondye, me zis en imen dan lanmen bann ki pe touy ou?

Abdyas 1:7

Ou bann zanmi pou tronp ou, e ou pou ganny sase dan ou teritwar. Ou bann zanmi entim pou pran ou byen: Ou bann zanmi pros pou servi ou dipen pour trik ou. Zot nepli annan disernman.

Ebre 2:3

Alor, koman nou, nou pou kapab sap pinisyon si nou negliz en tel gran delivrans? Sa delivrans, Senyer li menm ti anonse an premye; apre, bann ki ti tande ti konfirm li avek nou.

Revelasyon 17:13

Zot tou, zot annan menm lentansyon: Donn sa bebet zot pwisans ek zot pouvwar.

Revelasyon 17:2

Bann lerwa later in livre zot dan prostitisyon avek li e tou zabitan later in soule avek diven son prostitisyon.

Revelasyon 17:4

Sa fanm ti'n abiy dan lenz rouz e kouver avek bizou annor, pyer presyez ek perl. Dan son lanmen, i ti annan en lakoup annor ranpli avek bann aksyon degoutan ek salte son lavi prostitisyon.