Zeremi 4:28 - Labib An Kreol Seselwa

²⁸ Pour sa rezon, later pou an dey. Lesyel pou vin nwanr. Annefe, mon'n dir e mon'n deside, mon pa regret nanryen, mon pa pou retourn annaryer.

Zeremi 4:28 ပူးပေါင်းရင်းမြစ်များ

Ezai 24:4

Later pe sek e i pe tonm anrin; lemonn in delabre e pe tonm anrin; lesyel pe langir ansanm avek later.

Ezai 34:4

Tou bann larme lesyel pe pouri. Lesyel in roul roule parey en liv. Tou son larme pou grennen parey fey rezen ki'n fletri, oubyen parey fey fig ki'n fletri.

Ezai 5:30

Sa zour, pou annan en gronnyman kont li, parey gronnyman lanmer. Si ou get lo kote later, ou pou war zis fernwanr ek detres. Bann gro nyaz pou maske lalimyer.

Ezai 50:3

Mon abiy lesyel avek fernwanr e mon kouver li avek en lenz dey.

Zeremi 12:11

Zot in fer li vin en rezyon devaste ki'n ganny marke par dey. Pei antye in ganny detri e personn pa pran okenn ka.

Zeremi 12:4

Later i sek, zerb in fletri. Zannimo ek zwazo pe mor. Tousala, akoz mesanste sa bann dimoun ki'n dir: Bondye pa war sa ki nou pe fer.

Zeremi 14:2

Zida i an dey; son bann lavil pe tonm anrin. Son bann zabitan pe asiz ater. Zerizalenm pe kriy ver lesyel.

Zeremi 23:10

Sa pei i ranpli avek dimoun ki komet adilter. Akoz malediksyon Bondye, pei i an dey, e zerb i konpletman sek. Zot taye pour fer sa ki mal e zot servi zot kouraz pou fer sa ki devret.

Zeremi 23:20

Sa lakoler SENYER pa pou arete ziska ki SENYER in akonpli tou sa ki i ti annan lentansyon fer. Plitar, zot ava konpran tousala.

Zeremi 30:24

Sa lakoler vyolan ki sorti kot SENYER, pa pou arete tan ki tou sa ki i'n deside, pa ganny realize. Plitar, zot ava konpran sa.

Zeremi 51:12

Donn sinyal pour atake! Ogmant kantite santinel! Met bann zonm dan maske, pare pour zot atak dimoun ki oule sove. Wi! SENYER in akonpli sa ki i ti dir i pou fer kont bann zabitan Babilonn.

Zeremi 7:16

Zeremi! Pa bezwen priy pour sa pep. Pa bezwen pled dan zot faver avek mwan; pa ensiste avek mwan pour zot, akoz mon pa pou ekout ou.

Lamantasyon 2:17

Parey i ti'n deside depi byen lontan, SENYER in detri Zerizalenm san pitye. Sa ki i'n fer avek nou i'n fer lennmi rezoui lo ou maler; i'n fer ou bann lennmi vin pli for.

Ezekyel 24:14

Mwan SENYER mon'n koze e sa pou realize. Mon pa pou rekile, mon pou fer li san pitye. Mon pa pou regret nanryen, mon pou ziz ou dapre ou lavi ek ou bann aksyon. Senyer BONDYE ki deklare.

Oze 13:14

Mon pou liber zot dan lemonn lanmor. Mon pou sov zot dan pouvwar lanmor. Lanmor! Oli ou bann zarm? Lanmor, montre ou pouvwar touye! Mon pou nepli annan pitye pour sa pep.

Oze 4:3

Pour sa rezon pei pou dan dey, son bann zabitan pe deperi ansanm avek bann zannimo sovaz, bann zwazo dan lesyel. Menm bann pwason dan lanmer pe disparet.

Zoel 1:10

Bann plantasyon in ganny devaste, later i an dey, dible in ganny detri, nepli annan prodiksyon diven, nepli annan prodiksyon delwil.

Zakari 8:14

La sa ki SENYER liniver i deklare: Parey mon ti'n deside detri zot kan zot bann zanset ti provok mon lakoler, mon pa'n sanz mon desizyon, SENYER liniver i deklare:

Nonm 23:19

Bondye pa parey zonm pour koz manti. I pa desandan zonm pour li sanz parol. Sa ki i dir i pou fer; sa ki i deklare i pou egzekite.

Matye 27:45

Apartir midi, pei antye ti dan fernwanr pandan 3 erdtan.

Mark 15:33

Depi midi ziska 3 er, fernwanr ti fer partou lo later.

Levanzil dapre Lik 23:44

Ver midi, partou dan pei ti fernwanr ziska 3 er apremidi.

Efezyen 1:11

Dan nou linyon avek Kris, nou'n resevwar par ki nou ti'n ganny promet. Annefe, dapre son plan, Bondye ti'n swazir nou davans, e Bondye i realiz tou, dapre sa ki i'n oule e ki i'n deside.

Efezyen 1:9

I'n fer nou konn son plan sekre dapre ki dan son bonte, i ti'n deside pour akonpli davans, par Kris.

Ebre 7:21

Me Zezi ti ganny etabli pret par serman kan Bondye ti deklare: Senyer in fer sa serman, e i pa pou zanmen sanz son lide: Ou pret pour touzour.

Revelasyon 6:12

Kan Zenn Mouton ti ouver sizyenm sele, mon ti gete: Ti annan en gran tranblemandter. Soley ti vin nwanr koman en lenz dey; lalin antye ti vin rouz koman disan.

1 Samyel 15:29

Laglwar Izrael pa koz manti e i napa regre. I pa en et imen pour regrete.”