Zeremi 4:22 - Labib An Kreol Seselwa

²² Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Zeremi 4:22 ပူးပေါင်းရင်းမြစ်များ

Zenez 39:16

I ti gard lenz Zozef obor li ziska ki son mari ti ariv dan lakaz.

2 Samyel 13:3

Amnon ti annan en zanmi byen rize, ki ti apel Yonadab, garson Simea, frer David.

Psonm 36:3

Dan son labous i sorti zis mansonz ek frod; i nepli fer sa ki byen, sa ki saz.

Psonm 36:4

I prepar son bann move kou depi dan son lili. I antete swiv move semen; i pa fer nanryen ki byen.

Psonm 53:4

Eski sa bann malfeter pa realize zot pe devor mon pep kan zot pe manz son dipen e ki zot pa rod Bondye?

Psonm 82:5

Zot pa konn nanryen e zot san konpran; zot konpletman koronpi. Napa nanryen ki zot fer ki anmenn lazistis lo later.

Proverb 28:5

Malfeter pa konpran lazistis; me sa enn ki rod SENYER i konpran tou.

Ezai 1:3

En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Zeremi 10:8

Tou sa bann saz, tou sa bann lerwa, zot bet, zot boufon. Kwa ki zot kapab ansenny ou? Zot zis en morso dibwa.

Zeremi 13:23

Eski en dimoun nwanr i kapab sanz kouler son lapo? Eski en leopar i kapab tir bann tas lo li? Ou, ki abitye fer lemal, ou pou kapab fer sa ki byen?

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 4:21

Konbyen letan ankor mon pou war bann bannyer lager e antann tronpet lager sonnen?

Zeremi 5:21

Ekout mwan byen, pep tro bet pour konpran. Ou annan lizye, me ou pa war. Ou annan zorey, me ou pa tande.

Zeremi 5:4

Alor mon'n dir dan mwan menm: Zot zis dimoun senp; zot in azir koman bann fou. Zot pa konn lavolonte SENYER, zot pa konnen sa ki Bondye i demande.

Zeremi 9:2

Si selman mon ti annan en landrwa dan dezer kot mon ti ava kapab ale, lwen avek mon pep! Zot tou, zot en bann tret ki viv dan adilter.

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Zeremi 9:5

Zot tou, zot tronp zot prosen. Personn pa dir laverite. Zot in byen egzers zot lalang pour koz manti. Zanmen zot pou arete.

Ezekyel 16:30

Senyer BONDYE i deklare: Fodre ki ou lespri i vreman malad pour ou fer tousala! Ou ti fer tousala koman en prostitye profesyonnel.

Oze 4:1

Izrael, ekoute! Ekout parol SENYER! SENYER i annan en lakizasyon kont bann zabitan sa pei, akoz napa ni lwayote, ni fidelite, ni konnesans Bondye dan sa pei.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Oze 5:4

Zot bann aksyon pa permet zot retourn ver zot Bondye. Sa venen prostitisyon i tase dan zot, akoz zot pa konn SENYER.

Amos 3:10

SENYER i deklare: Bann zabitan Samari pa konn viv dan en fason onnet; zot ranpli zot pale avek vyolans ek bann lobze vole.

Mise 2:1

Maler pour sa bann ki mazin zis fer dimal e ki manigans mesanste lo zot lili! De ki lizour i fer, zot egzekit zot plan, akoz zot annan pouvwar fer li.

Mise 7:3

Zot bann eksper dan sa ki mal. Bann sef ek bann ziz pe esper gous. Dimoun enportan i fer konnen sa ki zot anvi. Zot manigans ansanm pour fer ekstorsyon.

Levanzil dapre Lik 16:8

Bourzwa sa administrater malonnet ti felisit li pour fason malen ki i ti'n azir. Annefe, bann zanfan lemonn, zot pli malen dan zot zafer, ki bann zanfan lalimyer.”

Levanzil dapre Zan 16:3

Zot pou fer sa akoz zot pa'n konn ni mon Papa, ni mwan.

Romen 1:22

Zot pretann ki zot savan, me zot in vin plito fou.

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

Romen 16:19

Annefe tou dimoun i konn zot lobeisans pour Senyer. Sa i fer mwan plezir. Me mon ti ava kontan ti zot vin pli saz pour fer sa ki byen; plis ankor, pour evit fer sa ki mal.

Romen 3:11

Napa personn ki annan disernman, personn pa rod Bondye.

1 Korentyen 14:20

Mon bann frer ek ser! Pa rezonn parey zanfan. Dan sa ki konsern sa ki mal, reste koman zanfan; me dan zot rezonnman, montre ki zot bann adilt.

Deterononm 32:28

Izrael i en nasyon ki pa konpran. Zot napa okenn disernman.

Deterononm 32:6

Pep ensanse e fou! Konmsa ki ou remersye SENYER? Pa li ou papa ki'n kree ou, ki'n form ou e ki'n fer ou vin en pep?