Zeremi 4:21 - Labib An Kreol Seselwa

²¹ Konbyen letan ankor mon pou war bann bannyer lager e antann tronpet lager sonnen?

Zeremi 4:21 ပူးပေါင်းရင်းမြစ်များ

2 Kronik 35:25

Profet Zeremi ti konpoz en kantik dey lo lerwa Zozyas. Depi sa lepok ziska ozordi, tou bann santer ek santez i fer mansyon Zozyas dan zot bann kantik dey. Sa i en koutim ki'n reste dan pei Izrael. Sa bann kantik in reste dan koleksyon Lamantasyon.

2 Kronik 36:10

Dan konmansman lannen, lerwa Naboukodonozor ti anvoy sers Yoyakin pour anmenn li Babilonn avek bann lobze presye dan tanp SENYER. I ti swazir son frer, Sedesyas, koman lerwa lo Zida ek Zerizalenm.

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

2 Kronik 36:3

Apre, lerwa Lezip ti aras li pouvwar dan Zerizalenm. I ti fer rwayonm Zida pey en taks trwa tonn larzan ek 30 kilo lor.

Zeremi 4:19

Zot! Mon vant i fer mal. I vreman fer mal! Mon leker pe palpit anmor. Mon pa kapab reste trankil. Mon bezwen koze. Mon antann tronpet pe soufle ek bann tapaz lager.

Zeremi 4:20

Dezas pe vin enn deryer lot; pei antye in ganny ravaze. En sel kou, nou bann latant in ganny detri; zot bann rido in desir an morso.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Zeremi 42:14

e si zot dir: Non, nou pa oule viv dan sa pei, me nou prefer al viv Lezip. Laba, pou nepli annan lager, nou pa pou antann son tronpet ki anons lager, nou pa pou soufer lafen. Laba ki nou oule reste.

Zeremi 6:1

Zabitan tribi Benzamen! Sove! Kit Zerizalenm! Al rod proteksyon dan en lot landrwa. Sonn tronpet dan Tekoa; donn lavertisman dan Bet-Kerenm, akoz maler ek gran dezas pe arive sorti dan Nor.