Zeremi 4:17 - Labib An Kreol Seselwa

¹⁷ Lennmi in anserkle Zida ek Zerizalenm. Zot parey bann gardyen ki vey en plantasyon. Sa i akoz zot in revolte kont mwan, SENYER i deklare.

Zeremi 4:17 ပူးပေါင်းရင်းမြစ်များ

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Nehemi 9:30

Ou ti pasyan avek zot pandan bokou lannen; ou ti averti zot par ou lespri, par lentermedyer ou bann profet. Me zot pa ti ni menm ekoute. Alor, ou ti livre zot dan lanmen bann pep sa bann pei.

Ezai 1:8

Zis Zerizalenm ki reste. I parey en kabann dan plantasyon rezen, en labri dan plantasyon kokonm, en lavil anserkle par lennmi.

Ezai 30:9

Annefe, sa pep i dezobeisan, en pep san okenn moral; zanfan i refize ekout lansennyman SENYER.

Zeremi 5:23

Me ou, ou en pep antete ki toultan pe revolte. Ou'n abandonn mwan e ou'n swazir ou prop semen.

Zeremi 52:4

Dan nevyenm lannen son renny, dizyenm mwan, dizyenm zour, Naboukodonozor, lerwa Babilonn, ti atak Zerizalenm avek tou son bann gerye. I ti anserkle li. Zot ti konstri bann lenstalasyon latak toultour lavil.

Lamantasyon 1:18

SENYER ti annan rezon azir konmsa anver mwan, akoz mon'n revolte kont son komannman. Tou bann pep! Ekout mwan: Get mon soufrans. Mon bann zenn fiy ek mon bann zennzan in ganny anvoye annegzil.

Lamantasyon 1:8

Zerizalenm in fer bokou pese; in sali son lekor. Tou dimoun ki ti annan respe pour li, pe mepriz li aprezan, akoz zot in war son touni. Li menm i onte e i kasyet son figir.

Deterononm 9:24

Depi ki mon konn zot, zot in revolte kont SENYER.