Zeremi 4:14 - Labib An Kreol Seselwa

¹⁴ Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Zeremi 4:14 ပူးပေါင်းရင်းမြစ်များ

Psonm 119:113

Mon deteste dimoun ki pa kapab deside e mon kontan ou lalwa.

Psonm 51:2

Lav mwan e retir mon bann fot. Pirifye mwan e anlev tou mon pese.

Psonm 66:18

Si mon ti'n gard mesanste dan mon leker, SENYER pa ti pou ekout mwan.

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Zeremi 13:27

SENYER in war ou komet adilter; in tann ou bann tapaz kontantman. In war ou al kot bann fo bondye lo bann montanny e dan laplenn. Malerezman pour ou, Zerizalenm! Ou pa oule swiv mwan pour ou ganny pirifye. Ankor konbyen letan sa sityasyon i kapab dire?

Zeremi 17:1

Pese Zida in ganny ekri avek lapwent an fer, ek en dyanman, lo tablet zot leker, lo bann korn dan kwen zot lotel.

Zeremi 18:11

Aprezan, al dir pep Zida e bann zabitan Zerizalenm ki mon pe mazin en maler pour zot, ki mon pe fer en plan kont zot. Sakenn i devre sorti dan son move lavi; sanz son mannyer viv ek son mannyer fer.

Zeremi 2:22

Menm si ou lav ou avek tou kalite savon tre for, mark ou fot pou kanmenm reste devan mwan, Senyer BONDYE i deklare.

Zeremi 6:19

Tou bann pep lo later! Ekoute: La mon pe anvoy maler lo sa pep, rezilta zot prop manigans, akoz zot in rezet mon lenstriksyon e zot pa'n obei mon komannman.

Ezekyel 18:31

Abandonn sa bann move aksyon ki ou'n komet kont mwan. Rod en nouvo leker ek en nouvo lespri. Pep Izrael, akoz ou oule lanmor?

Zakari 8:17

La sa ki SENYER i deklare: Pa mazin fer dimal ou prosen dan ou leker. Pa soutir dimoun ki fer fo serman; mon deteste tel keksoz.

Matye 12:33

“Pour ganny en bon fri, ou bezwen annan en bon pye fri. Si ou pye fri i move, ou pou ganny move fri. Annefe, ou rekonnet en pye dibwa par son fri.

Levanzil dapre Lik 11:39

Me Senyer ti dir li, “Zot bann Farizyen, zot netway lakoup ek pla an deor, me anndan zot ranpli avek lavaris ek mesanste.

Levanzil dapre Zan 13:9

Simon Pyer ti reponn li, “Alor, Senyer! Pa zis mon lipye, me lav osi mon lanmen ek mon latet.”

Akt de Zapot 8:22

Sanz ou move lentansyon e priy Senyer pour ki i pardonn ou si posib, ou move lentansyon.

Romen 1:21

Zot konn Bondye, me zot napa okenn respe pour li; zot pa ni menm remersye li koman i fodre. O kontrer zot in vin konpletman fou, e zot lespri san disernman i dan teneb.

1 Korentyen 3:20

E ankor: Senyer i konnen: Sa ki bann saz i mazinen napa okenn valer.

Let Zak 4:8

Apros avek Bondye, e i ava apros avek zot. Lav zot lanmen, zot ki komet pese! Pirifye zot leker, zot bann ipokrit!