Zeremi 39:8 - Labib An Kreol Seselwa

⁸ Antretan, Bann Babilonyen ti met dife avek pale rwayal ek lakaz bann zabitan. Zot ti osi kraz miray ki protez Zerizalenm.

Zeremi 39:8 ပူးပေါင်းရင်းမြစ်များ

2 Rwa 25:8

Setyenm zour, senkyenm mwan, dan diznevyenm lannen renny Naboukodonozor, lerwa Babilonn, Nebouzaradann, sef gard rwayal, en zofisye lerwa Babilonn, ti vin Zerizalenm.

2 Kronik 36:19

Zot ti met dife dan tanp e demoli miray Zerizalenm. Zot ti met dife dan bann pale e detri tou bann lobze presye.

Nehemi 1:3

Zot ti dir mwan, “Bann sirvivan laba dan provens, ki'n sov deportasyon, i viv dan gran mizer ek laont; miray Zerizalenm in fann an morso, e bann laport in ganny detri par dife.”

Psonm 79:7

Annefe, zot in devor desandan Zakob e devaste zot teritwar.

Ezai 5:9

La serman ki SENYER liniver ti fer rezonnen dan mon zorey: En kantite sa bann lakaz pour ganny abandonnen. Personn pa pou vin reste dan sa bann gran e zoli lakaz.

Zeremi 17:27

Me si zot pa ekout mwan, si zot pa obzerv sa zour saba koman en zour sakre, si zot kontinyen pas avek pake dan bann laport Zerizalenm, alor mon pou met dife dan sa bann laport lavil. Sa dife ki pa pou zanmen tennyen, pou detri bann pale dan Zerizalenm.

Zeremi 21:10

Annefe, SENYER i deklare: Mon pe tourn kont lavil Zerizalenm, pa pour son boner, me pour son maler. Mon pou detri li. I pou ganny livre avek lerwa Babilonn ki pou met dife ladan.

Zeremi 32:29

Bann Babilonyen ki pe atak lavil pou antre, e zot pou met dife partou. Zot pou bril bann lakaz kot bann zabitan ti fer mon lakoler monte kont zot, akoz zot ti bril lansan en loner Baal lo twa lakaz, e ofer diven lezot bondye.

Zeremi 34:2

La sa ki SENYER, Bondye Izrael i deklare: Al kot Sedesyas, lerwa Zida. Ou ava dir li: La sa ki SENYER i deklare: Mon pe al met sa lavil dan lanmen lerwa Babilonn ki pou met dife ladan.

Zeremi 34:22

Mon pou donn lord ki zot retournen e atak sa lavil, SENYER i deklare. Enn fwa ki zot kaptir sa lavil, zot pou met dife ladan. Mon pou devaste bann lavil dan Zida e fer zot vin parey en landrwa devaste, san zabitan.

Zeremi 37:10

Akoz, menm si ou bat tou bann gerye Babilonyen ki pe lager kont ou; menm si i reste zis gerye blese dan zot latant, zot pou sorti e met dife dan sa lavil.

Zeremi 38:18

Me si ou refize rann ou lekor avek bann zofisye lerwa Babilonn, alor, sa lavil pou ganny livre dan lanmen bann Babilonyen ki ava met dife ladan. Ou menm, ou pa pou sape dan zot lanmen.”

Zeremi 5:10

Mont lo bann miray, detri plantasyon rezen, me pa konpletman. Koup son bann brans akoz zot pa pour SENYER.

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Lamantasyon 1:10

Lennmi in poz son lanmen lo tou son bann trezor. Son pep in war bann pep etranze antre dan tanp kot SENYER li menm ti defann zot antre.

Lamantasyon 2:2

San okenn pitye, SENYER in detri tou bann vilaz dan Izrael. Dan son lakoler, in kraz bann lavil byen proteze dan Zida. In anmenn dezoner lo rwayonm e lo son bann sef.

Lamantasyon 2:7

SENYER in rezet son lotel; i'n abandonn son sanktyer. I'n les lennmi detri miray son bann pale. Tapaz dan tanp ti parey en bann zour lafet.

Ezekyel 16:41

Zot pou met dife dan ou bann lakaz. Zot pou egzekit kondannasyon dapre zizman kont ou dan prezans en lafoul fanm. Mon pou met en lafen avek ou lavi prostitisyon, e dezormen, ou ava osi aret donn larzan ou bann galan.

Ezekyel 23:47

Sa lafoul pou saboul zot avek ros e pou masakre zot; zot pou masakre tou zot bann garson ek zot bann fiy e bril zot bann lakaz.

Ezekyel 33:21

Senkyenm zour, dizyenm mwan, dan douzyenm lannen apre deportasyon, en zonm ki ti'n sove sorti Zerizalenm ti vin dir mwan, “Lavil in tonbe.”

Amos 2:5

Mon pou met dife dan Zida ki pou bril tou bann pale dan Zerizalenm. Zizman kont Izrael

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.