Zeremi 39:7 - Labib An Kreol Seselwa

⁷ Apre, i ti fer krev lizye Sedesyas, fer atas li avek lasenn an bronz e fer anmenn li Babilonn.

Zeremi 39:7 ပူးပေါင်းရင်းမြစ်များ

2 Rwa 25:7

Zot ti egorz bann garson Sedesyas devan son lizye. Apre, zot ti krev son lizye, atas li avek lasenn an bronz e anmenn li Babilonn.

Psonm 119:8

Mon pou obzerv ou bann regleman; pa abandonn mwan konpletman.

Zeremi 20:4

Annefe, la sa ki SENYER i deklare: Mon pou fer ou ek ou bann zanmi per zot lonbraz. Avek ou prop lizye, ou pou war lennmi masakre zot tou. Mon pou osi livre Zida anba pouvwar lerwa Babilonn ki pou anvoy zot annegzil Babilonn, kot zot ava ganny masakre.

Zeremi 34:3

Ou menm, ou pa pou kapab sove; ou pou ganny kaptire e livre anba son pouvwar. Ou pou konparet devan li fas a fas; ou pou koz avek li an personn, e ou pou al Babilonn.

Zeremi 44:30

La sa ki SENYER i deklare: Parey mon ti livre Sedesyas, lerwa Zida dan lanmen Naboukodonozor, lerwa Babilonn, son lennmi ki ti oule touy li, mon pou livre Hofra, lerwa Lezip dan lanmen bann lennmi ki oule son lanmor.

Zeremi 52:11

Apre sa, i ti krev lizye Sedesyas, atas li avek lasenn e anmenn li Babilonn. I ti reste dan prizon ziska son lanmor.

Ezekyel 12:13

Mon pou met mon lasenn lo li e fer li pri dan mon pyez. Mon pou anmenn li Babilonn, dan pei bann Kaldeen. Me i pa pou war sa pei; i pou mor laba.

Ziz 16:21

Bann Filisten ti atrap li e krev son lizye. Zot ti anmenn li Gaza e anmar li avek lasenn an bronz. Zot ti fer li tourn en gro ros moulen dan prizon.