Zeremi 39:5 - Labib An Kreol Seselwa

⁵ Me bann gerye Babilonyen ti pourswiv zot e atrap Sedesyas dan laplenn pre Zeriko. Zot ti kaptir li e anmenn li Ribla dan teritwar Hamat kot lerwa Naboukodonozor. I ti pas santans kont li.

Zeremi 39:5 ပူးပေါင်းရင်းမြစ်များ

2 Samyel 8:9

Toi, lerwa Hamat, ti tande ki David ti'n bat larme Adadezer.

2 Rwa 17:24

Lerwa Asiri ti fer tou dimoun vini sorti Babilonn, Kouta, Ava, Amat ek Sefarvaim. I ti fer zot enstal zot dan bann lavil Samari, dan plas pep Izrael, e zot ti pran posesyon Samari e reste dan son bann lavil.

2 Rwa 23:33

Faraon Neko ti ansenn li Ribla dan pei Hamat, pour li pa renny dan Zerizalenm; i ti enpoz en taks trwa tonn larzan ek 30 kilo lor.

2 Rwa 25:6

Zot ti fer lerwa prizonnyen e anmenn li Ribla, devan lerwa Babilonn ki ti pas santans kont li.

2 Kronik 33:11

Alor, SENYER ti anvoy bann komandan ek larme lerwa Asiriyen kont zot. Zot ti pran Manase prizonnyen, kros li avek lanmson, anmar li avek lasenn an bronz e anmenn li Babilonn.

Ezai 22:3

Tou ou bann sef in sove ansanm; zot ti ganny kaptire san ki ti bezwen tir okenn fles. Tou bann zabitan ki ti pe sove ti ganny fer prizonnyen.

Zeremi 21:7

SENYER ti deklare: Kanta Sedesyas, lerwa Zida ek son bann sef ek tou dimoun ki'n sirviv lafanmin, lepe ek lepidemi, mon pou livre zot dan lanmen lerwa Naboukodonozor ek bann lennmi ki oule touy zot. Naboukodonozor pou masakre zot tou. I pa pou eparny personn, ni montre konpasyon oubyen pitye anver personn.

Zeremi 24:8

Lo size Sedesyas, lerwa Zida, bann zofisye, e restan lepep dan Zerizalenm ki'n reste lo sa later, oubyen ki'n al Lezip, mon pou tret zot parey sa bann fig ki telman pouri ki ou pa kapab manze, SENYER i deklare.

Zeremi 38:18

Me si ou refize rann ou lekor avek bann zofisye lerwa Babilonn, alor, sa lavil pou ganny livre dan lanmen bann Babilonyen ki ava met dife ladan. Ou menm, ou pa pou sape dan zot lanmen.”

Zeremi 38:23

Tou ou bann fanm ek ou bann zanfan pou ganny anmennen kot bann Babilonyen; ou osi ou pa pou sape. Lerwa Babilonn pou fer ou prizonnyen e met dife dan lavil.”

Zeremi 4:12

Sa i en gro divan ki pou soufle lo mon lord. Aprezan, mon pou pronons mon zizman kont zot.

Zeremi 44:30

La sa ki SENYER i deklare: Parey mon ti livre Sedesyas, lerwa Zida dan lanmen Naboukodonozor, lerwa Babilonn, son lennmi ki ti oule touy li, mon pou livre Hofra, lerwa Lezip dan lanmen bann lennmi ki oule son lanmor.

Zeremi 49:23

Lo size Damas, la sa ki SENYER ti deklare: Zabitan bann lavil Hamat ek Arpad i onte. Zot dan traka akoz zot in antann en move nouvel. Zot trouble parey en lanmer demonte ki enposib kalme.

Lamantasyon 1:3

Popilasyon Zida i annegzil; i'n ganny kraze avek lanmizer. I pe asiz parmi bann nasyon san trouv okenn repo. Son bann lennmi in anserkle li, napa semen pour zot sove.

Lamantasyon 4:20

Lerwa, sours nou lavi, e ki SENYER ti swazir in ganny met dan zot kaso. Nou ti dir lo li: Nou ava viv parmi bann nasyon anba son proteksyon.

Ezekyel 23:24

Zot pou atak ou sorti dan Nor, en gran lafoul dimoun avek kales lager ek lezot veikil lager. Zot pou atak ou lo tou kote; zot pou ganny proteze par zot bann boukliye ek kas. Mon pou prezant ou ka devan zot; zot ava ziz ou dapre zot prop lalwa.

Habakouk 1:7

Zot en pep terib ki fer per. Zot enpoz zot prop lalwa ek zot lotorite.

Nonm 13:21

Alor, sa bann zonm ti monte e zot ti eksplor pei depi dezer Sin ziska Reob, obor lantre Hamat.

Zozye 13:5

pei bann Gebalit, e Liban antye, dan kote Les, depi Baal-Gad anba montanny Hermon ziska lantre Amat;

Zozye 4:13

Anviron 40,000 zonm arme, ti travers larivyer Zourden devan SENYER, pare pour konba. Zot ti al dan direksyon laplenn sek Zeriko.

Zozye 5:10

Pep Izrael ti kanpe Gilgal, e la, dan laplenn dezer Zeriko, zot ti selebre Pak aswar, katorzyenm zour sa mwan.

Ziz 3:3

Sa senk sef bann Filisten, tou bann Kananeen, bann Sidonit, bann Hivit ki ti pe reste dan rezyon montanny Liban, depi montanny Baal-Hermon ziska Lebo-Hamat.