Zeremi 39:2 - Labib An Kreol Seselwa

² Lo nevyenm zour, katriyenm mwan, onzyenm lannen ki Sedesyas ti lerwa, bann miray lavil ti degrengole.

Zeremi 39:2 ပူးပေါင်းရင်းမြစ်များ

Zeremi 1:3

SENYER ti osi koz avek li kan Yoyakim, garson Zozyas ti lerwa Zida. SENYER ki adres li laparol dan onzyenm lannen kan Sedesyas, en lot garson Zozyas, ti lerwa. Ti dan senkyenm mwan sa lannen ki bann zabitan Zerizalenm ti ganny deporte.

Zeremi 32:1

Dan dizyenm lannen ki Sedesyas ti lerwa Zida, e ki ti osi dizwityenm lannen ki Naboukodonozor ti lerwa Babilonn, SENYER ti koz avek Zeremi.

Zeremi 34:22

Mon pou donn lord ki zot retournen e atak sa lavil, SENYER i deklare. Enn fwa ki zot kaptir sa lavil, zot pou met dife ladan. Mon pou devaste bann lavil dan Zida e fer zot vin parey en landrwa devaste, san zabitan.

Zeremi 37:8

Bann gerye Babilonn pou retournen. Zot pou atak sa lavil ki zot pou pran e ki zot pou brile.

Zeremi 5:10

Mont lo bann miray, detri plantasyon rezen, me pa konpletman. Koup son bann brans akoz zot pa pour SENYER.

Ezekyel 33:21

Senkyenm zour, dizyenm mwan, dan douzyenm lannen apre deportasyon, en zonm ki ti'n sove sorti Zerizalenm ti vin dir mwan, “Lavil in tonbe.”

Ezekyel 4:3

Apre, pran en plak feray e plas li koman en miray ant ou ek lavil. Get li byen; lavil in ganny anserkle. Ou ki pe atak li. Sa i en lavertisman pour pep Izrael.

Ezekyel 5:2

Ou ava bril en tyer dan dife, dan milye lavil. Apre letan ki Zerizalenm in ganny anserkle in fini, pran en lot tyer ki ou ava koup koupe avek lepe otour lavil. Ou ava fann sa dernyen tyer dan divan e mwan, mon ava servi mon lepe kont Zerizalenm.

Sofoni 1:10

La sa ki SENYER i deklare: Sa zour, zot pou antann kriye depi Laport Pwason. Zot pou antann irlman sorti dan Nouvo lavil; e en gran tapaz sorti dan kolin.

Zakari 8:19

La sa ki SENYER liniver i deklare: Zenn ki ou fer dan katriyenm mwan, zenn ki ou fer dan senkyenm mwan, zenn ki ou fer dan setyenm mwan e zenn ou fer dan dizyenm mwan, pou vin pour tribi Zida bann zour lazwa, rezouisans ek lafet. Alor, kontan laverite ek lape.