Zeremi 39:16 - Labib An Kreol Seselwa

¹⁶ Al anmenn sa mesaz kot Ebed-Melek, sa Etyopyen: La sa ki SENYER liniver, Bondye Izrael i deklare: Parey mon ti dir, mon pe anmenn maler e non pa prosperite lo Zerizalenm. Sa pou arive devan ou.

Zeremi 39:16 ပူးပေါင်းရင်းမြစ်များ

2 Kronik 36:21

pour ki parol SENYER par lentermedyer profet Zeremi i realize: Ziska ki pei i gard bann saba pour letan ki i'n reste abandonnen; fodre i gard saba ziska ki 70 an i pase.

Psonm 92:11

Mon'n war mon bann lennmi tonbe; mon'n antann bann ki atak mwan kriye.

Zeremi 26:15

Me en keksoz i sir: Si zot touy mwan, zot, ansanm avek lepep, zot pou responsab lanmor en zonm inosan, akoz SENYER in vreman anvoy mwan pour dir zot sa bann parol.”

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Zeremi 26:20

Dan sa letan, ti annan en lot zonm ki ti apel Ouri. I ti garson Semaya, sorti dan lavil Kiryat-Yearim. Li osi, parey Zeremi, i ti koz lo non SENYER kont sa lavil ek sa pei.

Zeremi 34:22

Mon pou donn lord ki zot retournen e atak sa lavil, SENYER i deklare. Enn fwa ki zot kaptir sa lavil, zot pou met dife ladan. Mon pou devaste bann lavil dan Zida e fer zot vin parey en landrwa devaste, san zabitan.

Zeremi 35:17

La sa ki SENYER liniver, Bondye Izrael i deklare: Pour sa rezon, mon pou fer tonm lo pep Zida ek zabitan Zerizalenm tou bann maler ki mon'n averti pour tonm lo zot. Mon pou fer sa, akoz zot pa'n ekoute kan mon ti koz avek zot, e zot pa'n reponn mwan kan mon ti apel zot.

Zeremi 36:31

Mon pou pini li, son bann desandan ek son bann sef pour bann pese ki zot tou zot in komet. Personn parmi zabitan Zerizalenm oubyen Zida in ekout mon bann avertisman. Alor, mon pou anmenn lo zot, tou sa bann maler ki mon ti menas zot avek.

Zeremi 40:3

La aprezan, in realiz sa ki i ti'n dir i pou fer. Tousala in arive akoz ou pep in komet pese e i pa'n obei SENYER.

Zeremi 44:27

Mon pou vey lo zot, pa pour zot boner, me pour zot maler. Zot tou ki sorti Zida e ki pe reste Lezip, zot pou ganny masakre oubyen mor par lafen. Personn pa pou sape.

Zeremi 5:14

Pour sa rezon, la sa ki SENYER, Bondye liniver i deklare: Zeremi! Akoz zot in koz konmsa, parol ki mon pou met dan ou labous, pou vin en dife. Sa pep ava sa dibwa ki sa dife pou devore.

Danyel 9:12

Bondye in akonpli sa ki i ti dir kont nou e kont bann sef ki gouvern nou; i'n anvoy lo nou, dan Zerizalenm, sa pli gran maler ki pa'n zanmen deza arive anba lesyel.

Amos 9:4

Si zot bann lennmi i deport zot, mon pou donn lord touy zot. Mon lizye pou reste fikse lo zot, pour zot maler, pa pour zot boner.

Zakari 1:6

Sepandan mon bann parol, mon bann desizyon ki mon ti'n donn mon bann serviter, bann profet, pa i'n ariv ziska kot zot bann zanset? Alor, zot ti repanti e zot ti dir: SENYER liniver in deside tret nou dapre nou mannyer viv e nou mannyer fer.

Matye 24:35

Lesyel ek later pou disparet, me mon parol pa pou disparet.