Zeremi 39:14 - Labib An Kreol Seselwa

¹⁴ pour anvoy bann gerye al sers Zeremi dan kordgard pour anmenn li kot Gedalya, garson Ahikanm e pti zanfan Safann. Gedalya, pour permet Zeremi retourn se li. Konmsa, Zeremi ti al reste parmi bann zabitan.

Zeremi 39:14 ပူးပေါင်းရင်းမြစ်များ

2 Rwa 22:12

Lerwa ti donn sa lord avek Gran-Pret Hilkiya ek Ahikanm, garson Safann, ek Akbor, garson Mise, sekreter Safann ek Asaya, serviter lerwa. I ti dir zot:

2 Rwa 22:14

Alor, Gran-Pret Hilkiya, Ahikanm, Akbor, Safann ek Asaya ti al kot profetes Houlda, fanm Saloum, garson Tikva, garson Arhas, responsab lenz tanp. Houlda ti pe reste Zerizalenm dan nouvo lavil.

2 Kronik 34:20

Apre, i ti fer apel Hilkiya, Aikanm, garson Safann, Abdonn, garson Mise, skrib Safann ek Asaya en serviter lerwa. I ti dir zot,

Psonm 105:19

Parol SENYER ti realize; sa ki i ti'n anonse ti arive.

Zeremi 26:22

Me lerwa Zoyakim ti anvoy Elnatan, garson Akbor ek detrwa lezot zonm avek li ziska Lezip.

Zeremi 26:24

Sepandan, Ahikanm, garson Safann, ti protez Zeremi e anpese ki i pa tonm dan lanmen lepep pour zot touy li.

Zeremi 32:2

Dan sa letan, larme lerwa Babilonn ti pe anserkle Zerizalenm, e Zeremi ti prizonnyen dan lakour kordgard ki ti dan pale lerwa Zida,

Zeremi 37:21

Alor, lerwa Sedesyas ti donn lord pour gard Zeremi dan kordgard. Tou le zour, zot ti donn li en dipen sorti dan lari bann Boulanze, ziska zour ki ti nepli annan dipen dan lavil. Konmsa ki Zeremi ti reste dan kordgard.

Zeremi 38:13

Avek sa lakord, bann zonm ti fer Zeremi monte. Apre, Zeremi ti reste dan lakour kordgard.

Zeremi 38:28

Konmsa, Zeremi ti reste dan kordgard pale ziska zour ki Zerizalenm ti tonm dan lanmen lennmi.

Zeremi 39:13

Alor, Nebouzaradann, sef bann gard, ti tonm dakor avek Nebousazbann, sef bann serviter lerwa, ek Nergal-Sareser, sef larme, e avek lezot zofisye lerwa Babilonn,

Zeremi 39:15

Kan Zeremi ti ankor prizonnyen dan kordgard, SENYER ti koz avek li:

Zeremi 40:1

Zeremi ti'n ganny atase avek lasenn e ganny anmennen Rama avek lezot dimoun sorti Zerizalenm e Zida ki ti pe ganny deporte Babilonn. Nabouzeradann, sef bann gard, ti fer larg li, e les li kit Rama. La, SENYER ti koz avek Zeremi.

Zeremi 40:5

Zeremi pa ti ganny letan vir son ledo, ki Nabouzeradann ti azoute: Retourn kot Gedalya, garson Ahikanm, garson Safann, ki lerwa Babilonn in nonm gouverner bann lavil Zida. Ou kapab al reste kot li e viv parmi bann zabitan. Ou kapab osi al kot ou anvi. Sef bann gard ti donn Zeremi provizyon manze ek bann kado. Apre, i ti les li ale.

Zeremi 40:6

Zeremi ti al reste kot Gedalya, garson Ahikanm, dan Mispa; la, i ti viv parmi bann zabitan ki ti ankor pe reste dan pei.

Zeremi 40:7

Kan tou bann zofisye avek zot sef ki pa ti'n rann zarm, ti aprann ki lerwa Babilonn ti'n nonm Gedalya, garson Ahikanm, gouverner pei e ki i ti'n met li ansarz bann dimoun ki pli pov, zonm, fanm ek zanfan ki pa ti'n ganny deporte Babilonn,

Zeremi 41:1

Dan setyenm mwan, Ismael, garson Netanya, garson Elisama, en manm lafanmir rwayal e enn bann sef zofisye lerwa, ti al Mispa avek 10 zonm, pour li war Gedalya. Kan zot ti pe manze ansanm,