Zeremi 39:11 - Labib An Kreol Seselwa

¹¹ La lord ki lerwa Naboukodonozor ti'n donn Nabouzeradann, sef bann gard:

Zeremi 39:11 ပူးပေါင်းရင်းမြစ်များ

Liv Zob 5:15

Me Bondye i sov bann pov kont lepe zot labous, i tir zot dan lanmen bann pwisan.

Liv Zob 5:16

Alor, pour bann pov i annan lespwar, e lenzistis i ferm son labous.

Liv Zob 5:19

I pou delivre ou sis fwa dan tourman, e pandan set fwa, i pou eparny ou dan maler.

Zeremi 1:8

Pa bezwen per zot! Mon pou avek ou pour protez ou.

Zeremi 15:11

Pourtan, SENYER ti'n dir mwan: Mon promet ou ki mon pou delivre ou pour en bon rezon. Mon promet ou ki mon pou fer ou lennmi vin sipliy ou, kan i pou dan maler.

Zeremi 15:20

Devan sa bann dimoun, mon pou fer ou vin solid parey en miray fortifye an bronz. Si zot esey fer lager kont ou, mon pou avek ou pour protez ou, gard ou e delivre ou.

Zeremi 15:21

Mon pou aras ou dan zot lanmen. Mon pou sov ou kont dimoun vyolan, SENYER i deklare.

Zeremi 37:2

Me ni Sedesyas, ni son bann zofisye, ni lepep, pa ti obei mesaz ki SENYER ti'n donnen par lentermedyer Zeremi.

Zeremi 40:1

Zeremi ti'n ganny atase avek lasenn e ganny anmennen Rama avek lezot dimoun sorti Zerizalenm e Zida ki ti pe ganny deporte Babilonn. Nabouzeradann, sef bann gard, ti fer larg li, e les li kit Rama. La, SENYER ti koz avek Zeremi.

Zeremi 40:4

Ozordi menm, mon pou detas lasenn ki dan ou pwannyen. Ou kapab vin Babilonn avek mwan si oule e mon ava vey lo ou. Me pa santi ou oblize pour ou vin avek mwan Babilonn. Ou lib pour ou al partou kot oule dan pei.

Zeremi 52:12

Dizyenm zour, senkyenm mwan, dan diznevyenm lannen renny Naboukodonozor, lerwa Babilonn, Nebouzaradann, sef bann gard lerwa, ti antre dan Zerizalenm.

Akt de Zapot 24:23

I ti donn lord zofisye ki ti ansarz Pol pour gard li koman prizonnyen, me donn li en serten liberte e les son bann zanmi vin okip li.