Zeremi 39:10 - Labib An Kreol Seselwa

¹⁰ Me Nebouzaradann, sef bann gard, ti les dan pei, bann pov ki ti napa nanryen. I ti distribye avek zot bann plantasyon rezen ek bann kare later.

Zeremi 39:10 ပူးပေါင်းရင်းမြစ်များ

2 Rwa 25:12

Me sef bann gard rwayal ti kit deryer serten parmi bann ki pli pov dan pei, pour okip bann plantasyon rezen e koman bann kiltivater.

Ezai 7:21

Sa zour, dimoun pou swanny en bef ek de mouton.

Zeremi 40:10

Mwan menm, mon pe enstal mwan isi Mispa, pour reprezant zot devan bann Babilonyen ki pe vini. Zot ava rekolte rezen, bann fri ek delwil. Gard sa bann rekolt an rezerv e enstal zot dan bann lavil ki zot pe okipe.

Zeremi 40:7

Kan tou bann zofisye avek zot sef ki pa ti'n rann zarm, ti aprann ki lerwa Babilonn ti'n nonm Gedalya, garson Ahikanm, gouverner pei e ki i ti'n met li ansarz bann dimoun ki pli pov, zonm, fanm ek zanfan ki pa ti'n ganny deporte Babilonn,

Zeremi 43:6

Zonm, fanm, zanfan e bann fiy lerwa. Zot ti pran tou sa bann dimoun ki Nabouzeradann, zofisye en sarz, ti'n les anba komann Gedalya, garson Ahikanm, garson Safann. Zot ti osi anmenn profet Zeremi ek Barouk, garson Neriya.

Zeremi 52:16

Me Nebouzaradann, sef bann gard rwayal, ti kit deryer dan pei bann ki ti pli pov dan pei, pour zot travay dan bann plantasyon rezen e koman kiltivater.

Ezekyel 33:24

Ou ki en imen, ekoute: Bann zabitan dan bann landrwa devaste dan pei Izrael pe kontinyen dir: Abrahanm ki ti en zonm tousel, me i ti ganny posesyon sa pei. Tandis ki nou, nou nonbre, alor, se nou ki devre ganny posesyon sa pei.

Zakari 11:7

Alor, mon ti vey lo mouton bann marsan. Mon ti'n vin berze sa troupo ki'n ganny kondannen pour labatwar. Mon ti pran de baton; mon ti nonm enn Faver, lot Linite e mon ti pran swen bann mouton.