Zeremi 39:1 - Labib An Kreol Seselwa

¹ Dan nevyenm lannen ki Sedesyas ti lerwa Zida dan nevyenm mwan, Naboukodonozor, lerwa Babilonn, ti vin atak Zerizalenm avek tou son bann gerye.

Zeremi 39:1 ပူးပေါင်းရင်းမြစ်များ

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Zeremi 32:1

Dan dizyenm lannen ki Sedesyas ti lerwa Zida, e ki ti osi dizwityenm lannen ki Naboukodonozor ti lerwa Babilonn, SENYER ti koz avek Zeremi.

Zeremi 34:1

La parol ki SENYER ti adres Zeremi, kan Naboukodonozor, lerwa Babilonn ek son bann gerye ti pe atak tou bann rwayonm lo later, ki tou bann pep dan son rwayonm ti pe lager kont Zerizalenm ek tou bann lavil:

Zeremi 34:22

Mon pou donn lord ki zot retournen e atak sa lavil, SENYER i deklare. Enn fwa ki zot kaptir sa lavil, zot pou met dife ladan. Mon pou devaste bann lavil dan Zida e fer zot vin parey en landrwa devaste, san zabitan.

Zeremi 42:18

Annefe, la sa ki SENYER liniver, Bondye Izrael i deklare: Sa lakoler ki mon ti devers lo zabitan Zerizalenm, mon pou fer li tonm lo zot, si zot al Lezip. Zot pou antre dan proverb malediksyon e pour ensilte dimoun. Zanmen zot pou revwar sa pei ankor.

Zeremi 52:1

Sedesyas ti annan 21 an kan i ti vin lerwa; i ti renny 11 an dan Zerizalenm. Son manman ti apel Hamoutal; i ti fiy Zeremi ki sorti Libna.

Zeremi 6:6

La sa ki SENYER liniver i deklare: Koup pye dibwa pour fer en baraz kont Zerizalenm. Sa lavil i bezwen ganny pini, akoz i ranpli avek vyolans.

Ezekyel 33:21

Senkyenm zour, dizyenm mwan, dan douzyenm lannen apre deportasyon, en zonm ki ti'n sove sorti Zerizalenm ti vin dir mwan, “Lavil in tonbe.”

Ezekyel 4:3

Apre, pran en plak feray e plas li koman en miray ant ou ek lavil. Get li byen; lavil in ganny anserkle. Ou ki pe atak li. Sa i en lavertisman pour pep Izrael.

Ezekyel 40:1

Dan vennsenkyenm lannen, konmansman lannen apre deportasyon, son dizyenm zour lemwan, ki ti osi katorzyenm lannen depi ki Zerizalenm ti'n ganny kaptire, SENYER ti sezi mwan e transport mwan laba.

Ezekyel 5:2

Ou ava bril en tyer dan dife, dan milye lavil. Apre letan ki Zerizalenm in ganny anserkle in fini, pran en lot tyer ki ou ava koup koupe avek lepe otour lavil. Ou ava fann sa dernyen tyer dan divan e mwan, mon ava servi mon lepe kont Zerizalenm.

Zakari 8:19

La sa ki SENYER liniver i deklare: Zenn ki ou fer dan katriyenm mwan, zenn ki ou fer dan senkyenm mwan, zenn ki ou fer dan setyenm mwan e zenn ou fer dan dizyenm mwan, pou vin pour tribi Zida bann zour lazwa, rezouisans ek lafet. Alor, kontan laverite ek lape.

Deterononm 28:36

SENYER ava anmenn ou avek ou lerwa ki ou ava'n swazir, kot en nasyon ki ni ou ni ou bann zanset pa'n konnen. La, ou ava servi lezot bondye an bwa e an ros.