Zeremi 38:6 - Labib An Kreol Seselwa

⁶ Alor, zot ti pran Zeremi e zet li dan en sitern sitye dan lakour pale e ki ti pou Malkiya, garson lerwa. Zot ti fil li dan sitern avek en lakord. Ti napa delo dan sa sitern, me labou. Alor Zeremi ti anfonse dan labou.

Zeremi 38:6 ပူးပေါင်းရင်းမြစ်များ

Zenez 37:24

e zot ti zet li dan en pwi. Sa pwi ti sek. Ti napa delo ladan.

Psonm 109:5

Me zot rann mwan dimal pour dibyen; laenn dan plas lanmitye.

Psonm 40:2

I'n tir mwan dan dezespwar lanmor, dan labou san fon. I'n met mwan debout lo en ros; i'n fer mon lipye vin for.

Psonm 69:2

Mon pe anfons dan labou, mon napa en landrwa solid pour mwan poz mon lipye. Mon pe anfons dan kre e kouran pe anmenn mwan.

Zeremi 32:2

Dan sa letan, larme lerwa Babilonn ti pe anserkle Zerizalenm, e Zeremi ti prizonnyen dan lakour kordgard ki ti dan pale lerwa Zida,

Zeremi 36:26

Alor, lerwa ti donn lord son garson Zerameel ek Seraya, garson Azriel ek Selemia, garson Abdeel, pour al aret profet Zeremi ek Barouk son sekreter. Me SENYER ti kasyet zot.

Zeremi 37:16

Zeremi ti ganny anfermen dan en kaso souteren, kot i ti reste en bon pe letan.

Zeremi 37:21

Alor, lerwa Sedesyas ti donn lord pour gard Zeremi dan kordgard. Tou le zour, zot ti donn li en dipen sorti dan lari bann Boulanze, ziska zour ki ti nepli annan dipen dan lavil. Konmsa ki Zeremi ti reste dan kordgard.

Zeremi 38:13

Avek sa lakord, bann zonm ti fer Zeremi monte. Apre, Zeremi ti reste dan lakour kordgard.

Zeremi 38:22

Tou bann fanm ki'n reste dan pale lerwa Zida pou ganny anmennen kot bann zofisye lerwa Babilonn. La sa ki zot pou dir lo ou: Ou bann meyer zanmi dan ki ou ti annan konfyans in tronp ou; zot in bat ou latet. La ki ou lipye in anfons dan labou ou bann zanmi in abandonn ou.

Danyel 6:16

Alor, lerwa ti ordonnen ki zot anmenn Danyel e zet li dan kavern lyon. Lerwa ti dir avek Danyel, “Ou Bondye, ki ou servi avek perseverans ava delivre ou!”

Zakari 9:11

Ou osi, akoz lalyans avek ou ki mon'n sele par disan, mon pou liber ou bann prizonnyen ki dan lafos kot napa delo.

Akt de Zapot 16:24

De ki zolye ti'n ganny sa lord, i ti met Pol ek Silas dan en kaso dan fon prizon. I ti met zot lipye dan blok dibwa.

Ebre 10:36

Zot bezwen persevere pour akonpli lavolonte Bondye e resevwar sa ki i'n promet zot.