Zeremi 38:26 - Labib An Kreol Seselwa

²⁶ Zis dir zot ki ou'n vin enplor lerwa pour li pa retourn ou dan lakaz Zonatan kot ou pou mor.”

Zeremi 38:26 ပူးပေါင်းရင်းမြစ်များ

Ester 4:8

Mardose ti osi donn li en kopi sa dekre ki ti ordonn destriksyon bann Zwif e ki ti'n ganny pibliye dan Siz, pour li al montre Ester, eksplik li, demann li pour al sipliy lerwa e pled avek li an faver son pep.

Zeremi 37:15

Zot ti ankoler kont Zeremi; zot ti bat li e anferm li kot Zonatan, sekreter lakour, ki son lakaz ti'n ganny transformen koman en prizon.

Zeremi 37:20

Aprezan, mon demann ou, mon senyer lerwa, ekout mwan. Ekout sa ki mon pou demann ou: Mon sipliy ou, pa ranvoy mwan kot sekreter Zonatan. Sankwa mon pou mor.”

Zeremi 38:27

Tou bann sef ti vin kestyonn Zeremi ki ti dir zot parey sa ki lerwa ti'n dir li. Alor, zot ti les li trankil, akoz personn pa ti'n antann zot konversasyon.

Zeremi 42:2

kot profet Zeremi. Zot ti dir li, “Nou sipliy ou, priy SENYER ou Bondye pour nou. Priy pour nou tou ki'n reste vivan. Parey ou kapab war ou menm, i pa reste bokou nou.