Zeremi 38:22 - Labib An Kreol Seselwa

²² Tou bann fanm ki'n reste dan pale lerwa Zida pou ganny anmennen kot bann zofisye lerwa Babilonn. La sa ki zot pou dir lo ou: Ou bann meyer zanmi dan ki ou ti annan konfyans in tronp ou; zot in bat ou latet. La ki ou lipye in anfons dan labou ou bann zanmi in abandonn ou.

Zeremi 38:22 ပူးပေါင်းရင်းမြစ်များ

Liv Zob 6:15

Mon bann frer, zot trai mwan parey en larivyer sek ki disparet.

Psonm 41:9

Menm mon meyer zanmi avek ki mon ti fer konfyans, ki'n partaz mon repa, in vir kont mwan.

Psonm 69:14

Sov mwan! Pa les mwan anfons dan labou. Delivre mwan dan lanmen mon bann lennmi e dan fon lanmer.

Psonm 69:2

Mon pe anfons dan labou, mon napa en landrwa solid pour mwan poz mon lipye. Mon pe anfons dan kre e kouran pe anmenn mwan.

Ezai 42:17

Sa bann ki met zot konfyans dan bann zidol, ki dir avek zot bann stati: Zot menm nou bondye, zot pou ganny rezete, zot pou dan laont!

Zeremi 13:21

I annan dimoun ki ou'n fer zanmi avek. Ki ou pou dir kan zot ava azir kont ou e domin ou? Douler pou pran ou parey en fanm ki dan douler lanfantman.

Zeremi 20:10

Mon antann dimoun pe dir: Laterer i par tou kote! Denons li! Annou denons li! Tou mon bann zanmi pe espere war mwan tonbe. Zot dir: Si nou esey zwe en trik lo li, alor nou ava pli for ki li e nou ava pran nou revanz lo li.

Zeremi 27:14

Pa bezwen ekout sa bann profet ki dir ou: Ou pa pou tonm anba pouvwar lerwa Babilonn. Sa ki zot pe anonse i en mansonz.

Zeremi 27:15

Mon pa'n anvoy zot, SENYER i deklare; me zot pe anons mansonz ler zot pe koz lo mon non. Si ou ekout zot, mon pou deport ou, e ansanm avek sa bann profet manter, zot pou ganny touye.

Zeremi 38:19

Lerwa Sedesyas ti reponn Zeremi, “Mon per ki mon bann prop konpatriyot ki'n dezerte, zot al kot bann Babilonyen pour maltret mwan e menm tortir mwan.”

Zeremi 38:21

Me si ou refize rann ou lekor, SENYER in fer mwan war dan en vizyon sa ki pou arive:

Zeremi 41:10

Apre, Ismael ti fer prizonnyen tou sa bann dimoun ki ti'n reste Mispa, bann fiy lerwa ek tou restan zabitan Mispa ki Nabouzeradann, sef bann gard ti'n met anba responsabilite Gedalya. I ti kit Mispa e al reste dan teritwar bann Amonit.

Zeremi 43:6

Zonm, fanm, zanfan e bann fiy lerwa. Zot ti pran tou sa bann dimoun ki Nabouzeradann, zofisye en sarz, ti'n les anba komann Gedalya, garson Ahikanm, garson Safann. Zot ti osi anmenn profet Zeremi ek Barouk, garson Neriya.

Zeremi 46:21

Menm bann mersener byen angrese parey bann toro ti vire e sove san okenn rezistans. Akoz sa zour katastrof ti'n tonm lo zot, zot zour rann kont ti'n arive.

Zeremi 46:5

Akoz mon war zot dan lafreyer? Zot pe rekile? Zot bann gerye in ganny bate; zot in sove osi vit ki zot kapab. Zot pa get deryer zot. Laterer in antour zot, SENYER i deklare.

Zeremi 6:12

Zot lakaz pou pas dan lanmen en lot dimoun, ansanm avek zot later ek zot fanm, SENYER i deklare. Wi! Mon pou pini zabitan sa pei.

Zeremi 8:10

Pour sa rezon, SENYER i deklare: Mon pou donn zot fanm en lot, e zot plantasyon, bann nouvo propriyeter. Tou dimoun, depi pli pti ziska pli gran pe rod fer larzan. Menm bann profet ek bann pret pe tronp lepep.

Lamantasyon 1:13

Depi lao dan lesyel, in anvoy dife ki'n penetre mon lezo. I'n met en latrap anba mon lipye e i'n fer mwan savire. I'n abandonn mwan; mon douler pa zanmen fini.

Lamantasyon 1:2

I plere tou lannwit, larm i koule lo son lazou. Tou sa bann ki ti kontan li in abandonn li; napa personn pour konsol li. Tou son bann zanmi in trai li; zot in vin son lennmi.

Lamantasyon 5:11

Bann fanm in ganny vyole dan Zerizalenm; bann vyerz dan bann lavil Zida.

Mise 7:5

Pa bezwen fye lo ou zanmi, pa fer konfyans ou bann pros. Pa ouver ou labous avek sa fanm ki dormi dan ou lebra.