Zeremi 38:19 - Labib An Kreol Seselwa

¹⁹ Lerwa Sedesyas ti reponn Zeremi, “Mon per ki mon bann prop konpatriyot ki'n dezerte, zot al kot bann Babilonyen pour maltret mwan e menm tortir mwan.”

Zeremi 38:19 ပူးပေါင်းရင်းမြစ်များ

2 Kronik 30:10

Bann mesaze ti al dan en lavil apre lot dan teritwar Efraim ek Manase, ziska Zabilon. Me dimoun ti zis riye e gognard zot.

Nehemi 4:1

Kan Sanbalat ti tande ki nou ti pe rekonstri tanp, i ti pran en gran lakoler, i ti anraze e i ti gognard bann Zwif.

Liv Zob 31:34

akoz mon ti per rimer sorti parmi lafoul, e si mon ti per ki ou fanmir i mepriz mwan, alor, mon pa ti dir nanryen. Mon ti reste dan lakour.

Proverb 29:25

Lafreyer pour zonm i en move keksoz; me sa enn ki met son konfyans dan SENYER i an sekirite.

Ezai 57:11

Lekel ki fer zot enkyet e fer zot per pour zot koz manti e oubliy mwan, pour ki zot pa reflesir? Eski akoz mon ti gard silans e ferm mon lizye depi lontan, ki ou pa ti per mwan?

Zeremi 20:7

SENYER! Ou'n tronp mwan e mon'n les mwan ganny tronpe. Ou pli for ki mwan e ou'n pran mwan par lafors. Tou le zour, dimoun i riy mwan, e monk mwan.

Zeremi 38:22

Tou bann fanm ki'n reste dan pale lerwa Zida pou ganny anmennen kot bann zofisye lerwa Babilonn. La sa ki zot pou dir lo ou: Ou bann meyer zanmi dan ki ou ti annan konfyans in tronp ou; zot in bat ou latet. La ki ou lipye in anfons dan labou ou bann zanmi in abandonn ou.

Zeremi 38:5

Lerwa Sedesyas ti reponn zot, “Fer sa ki zot oule avek li. Lerwa pa kapab fer nanryen kont zot.”

Zeremi 39:9

Finalman, Nebouzaradann sef bann gard, ti fer deport Babilonn, tou dimoun ki ti'n reste dan lavil. I ti fer deport osi popilasyon ki ti'n dezerte.

Levanzil dapre Zan 12:42

Malgre sa, plizyer sef Zwif ti krwar dan Zezi. Me akoz bann Farizyen, zot pa ti deklar sa an piblik, pangar zot ti ava ganny pouse dan sinagog.

Ziz 16:25

Letan zot ti dan lazwa, zot ti dir, “Anmenn Sanmson pour li anmiz nou.” Zot ti fer Sanmson sorti dan prizon. I ti konmans fer boufon devan zot. Zot ti met li debout ant bann kolonn.

Ziz 9:54

Toudswit, Abimelek ti apel son serviter ki ti pe anmenn son bann zarm. I ti dir li, “Tir ou lepe e touy mwan, pour ki dimoun pa dir ki en fanm ki ti touy li.” Son serviter ti pik li e i ti mor.

1 Samyel 15:24

Alor, Sail ti dir Samyel, “Mon'n fer pese; akoz mon'n dezobei bann komannman SENYER ek ou bann parol; mon ti per lepep e mon'n ekout zot.

1 Samyel 31:4

Sail ti dir son porter zarm, “Tir ou lepe, e touy mwan, pour ki bann Filisten non sirkonsi pa touy mwan, oubyen boufonn mwan.” Me son porter zarm pa ti aksepte; i ti per en kantite. Alor, Sail ti pran son prop lepe, e zet li lo la.