Zeremi 38:18 - Labib An Kreol Seselwa

¹⁸ Me si ou refize rann ou lekor avek bann zofisye lerwa Babilonn, alor, sa lavil pou ganny livre dan lanmen bann Babilonyen ki ava met dife ladan. Ou menm, ou pa pou sape dan zot lanmen.”

Zeremi 38:18 ပူးပေါင်းရင်းမြစ်များ

2 Rwa 24:12

Alor, Yoyakin, lerwa Zida, ti rann son lekor avek lerwa Babilonn, ansanm avek son manman, son bann zonm, bann sef ek tou bann o zofisye. Lerwa Babilonn ti fer li prizonnyen dan wityenm lannen son renny.

Zeremi 21:10

Annefe, SENYER i deklare: Mon pe tourn kont lavil Zerizalenm, pa pour son boner, me pour son maler. Mon pou detri li. I pou ganny livre avek lerwa Babilonn ki pou met dife ladan.

Zeremi 27:8

Si en nasyon oubyen en rwayonm i refize soumet li anba lerwa Naboukodonozor, lerwa Babilonn; si i refize met son likou anba fardo lerwa Babilonn, alor mon pou pini sa nasyon par lager, lafanmin, lepidemi, ziska ki i ava'n detri li konpletman, SENYER i deklare.

Zeremi 37:8

Bann gerye Babilonn pou retournen. Zot pou atak sa lavil ki zot pou pran e ki zot pou brile.

Zeremi 38:23

Tou ou bann fanm ek ou bann zanfan pou ganny anmennen kot bann Babilonyen; ou osi ou pa pou sape. Lerwa Babilonn pou fer ou prizonnyen e met dife dan lavil.”

Zeremi 38:3

La sa ki SENYER i deklare: Sa lavil pou ganny livre dan lanmen bann gerye Babilonyen ki pou pran li.

Zeremi 39:3

Alor, tou bann o zofisye lerwa Babilonn ti antre dan lavil e zot ti vin enstal zot dan Laport Milye. Ti annan Nergal-Sareser, sef larme, Sanmgar-Nebou, Sarsekim sef bann serviter lerwa e tou lezot zofisye lerwa Babilonn.

Zeremi 39:8

Antretan, Bann Babilonyen ti met dife avek pale rwayal ek lakaz bann zabitan. Zot ti osi kraz miray ki protez Zerizalenm.

Ezekyel 12:13

Mon pou met mon lasenn lo li e fer li pri dan mon pyez. Mon pou anmenn li Babilonn, dan pei bann Kaldeen. Me i pa pou war sa pei; i pou mor laba.

Ezekyel 17:15

Me i ti revolte kont li kan i ti anvoy bann anbasader Lezip pour demann seval ek en gran larme. Eski i pou reisi sov son lapo apre ki i'n fer en tel demars? Eski i kapab kas trete san fer fas avek son konsekans?