Zeremi 38:17 - Labib An Kreol Seselwa

¹⁷ Alor Zeremi ti dir Sedesyas, “La sa ki SENYER, Bondye liniver e Bondye Izrael i deklare: Si ou sorti pour ou al rann ou lekor avek bann zofisye lerwa Babilonn, ou, avek ou fanmir, zot pa pou ganny touye. Zerizalenm pa pou ganny detri dan dife.

Zeremi 38:17 ပူးပေါင်းရင်းမြစ်များ

Zenez 12:13

Ou ava dir zot ki ou mon ser e zot ava tret mwan byen akoz ou. Alor, akoz ou, mon ava reste vivan.”

2 Rwa 24:12

Alor, Yoyakin, lerwa Zida, ti rann son lekor avek lerwa Babilonn, ansanm avek son manman, son bann zonm, bann sef ek tou bann o zofisye. Lerwa Babilonn ti fer li prizonnyen dan wityenm lannen son renny.

2 Rwa 25:27

Dan trannsetyenm lannen legzil Yoyakin, lerwa Zida, dan douzyenm mwan, e vennsetyenm zour, Evil-Merodak, lerwa Babilonn, dan premye lannen ki i ti vin lerwa, ti grasye Yoyakin, lerwa Zida e i ti fer li sorti dan prizon.

1 Kronik 17:24

Ou non i ava ganny glorifye pour touzour e dimoun ava dir: Bondye liniver i Bondye Izrael. Etabli, pour touzour, fanmir ou serviter David.

Esdras 9:4

Mon ti reste la dan mon dezespwar ziska ler sakrifis aswar. Tou bann ki ti pe tranble devan Parol Bondye Izrael akoz sakrilez bann egzile, ti rasanble otour mwan.

Liv Zob 23:13

Kan Bondye i pran en desizyon personn pa kapab fer li sanze. I realiz sa ki fer li plezir.

Psonm 80:14

Bondye liniver! Retournen. Depi lao dan lesyel, get sa ki pe arive! Pran swen sa plantasyon rezen.

Psonm 80:7

Bondye liniver! Retabli nou. Fer briye ou vizaz lo nou e sov nou.

Zeremi 27:12

Mon ti transmet menm mesaz avek Sedesyas, lerwa Zida: Aksepte sa bar dibwa ki lerwa Babilonn i met lo ou likou. Servi li ek son pep e ou ava reste vivan.

Zeremi 27:17

Pa ekout zot. Servi lerwa Babilonn e zot ava reste vivan. Akoz sa lavil i bezwen ganny detri?

Zeremi 27:8

Si en nasyon oubyen en rwayonm i refize soumet li anba lerwa Naboukodonozor, lerwa Babilonn; si i refize met son likou anba fardo lerwa Babilonn, alor mon pou pini sa nasyon par lager, lafanmin, lepidemi, ziska ki i ava'n detri li konpletman, SENYER i deklare.

Zeremi 38:2

La sa ki SENYER i deklare: Tou dimoun ki kontinyen reste dan sa lavil pou mor par lepe, par lafen ou byen par lepidemi. Me sa enn ki sorti pour rann son lekor avek bann Babilonyen, pou reste vivan. Omwen i ava sov son lavi.

Zeremi 39:3

Alor, tou bann o zofisye lerwa Babilonn ti antre dan lavil e zot ti vin enstal zot dan Laport Milye. Ti annan Nergal-Sareser, sef larme, Sanmgar-Nebou, Sarsekim sef bann serviter lerwa e tou lezot zofisye lerwa Babilonn.

Zeremi 40:9

Gedalya, garson Ahikanm, garson Safann, ti dir avek bann zofisye ek zot bann zonm: Pa bezwen per pour servi anba bann Babilonyen. Enstal zot dan sa pei, met zot dan servis lerwa Babilonn e tou ava mars byen pour zot.

Zeremi 44:7

Aprezan, SENYER liniver, Bondye Izrael i demande: Akoz eski zot fer zot menm tou sa kantite ditor? Eski zot oule anmenn destriksyon total lo zonm, fanm, zanfan e pti baba? Eski zot oule ki zot pep i disparet?

Ezekyel 8:4

Laglwar Bondye Izrael ti la, parey dan sa vizyon ki mon ti war dan vale.

Amos 5:27

mon pou anvoy zot annegzil lo lot kote Damas. Mwan, SENYER, Bondye liniver ki deklare: Sa i mon non.