Zeremi 37:7 - Labib An Kreol Seselwa

⁷ La sa ki SENYER, Bondye Izrael i deklare: Ou ava dir avek lerwa Zida ki'n anvoy ou pour konsilte mwan: Bann gerye Faraon ki ti'n vin pour port ou sekour, in vire e zot pe retourn kot li, Lezip.

Zeremi 37:7 ပူးပေါင်းရင်းမြစ်များ

2 Rwa 22:18

Me zot ava dir lerwa Zida ki'n anvoy zot konsilte SENYER: La sa ki SENYER, Bondye Izrael i deklare, konsernan sa bann parol ki ou'n tande:

2 Rwa 24:7

Lerwa Lezip ti nepli kit son pei, akoz lerwa Babilonn ti'n pran tou sa ki ti pour lerwa Lezip, depi larivyer Lezip, ziska larivyer Efrat.

Proverb 21:30

Napa okenn lasazes imen, okenn rezonnman, okenn konsey imen, ki kapab tenir devan SENYER.

Ezai 30:7

Led sorti Lezip i san valer, i initil. Pour sa rezon mon'n apel sa pei: Rahab ki asiz nanryen fer.

Ezai 36:6

Ou pe met ou konfyans lo Lezip ki en banbou kase ki pers lanmen sa enn ki apiy lo la. La ki mannyer Faraon, lerwa Lezip, i ete pour tou sa ki met konfyans dan li.

Zeremi 2:18

Aprezan, ki ou krwar ou pou gannyen ler ou al Lezip kot ou pou bwar delo larivyer Nil? Ki ou krwar ou pou gannyen ler ou al Asiri kot ou pou bwar delo larivyer Efrat?

Zeremi 2:36

Ou'n fasilman sanz ou semen, pour ou al kot bann bondye lezot nasyon. Bann Asiriyen in fer ou onte; bann Ezipsyen pou fer parey.

Zeremi 2:37

Lezip osi, ou pou kit li dan laont, avek ou de lanmen lo latet. Mwan, SENYER, mon'n rezet sa bann dan ki ou ti'n met ou konfyans. Ou pa pou ganny nanryen avek zot.

Zeremi 21:1

Zeremi ti resevwar en mesaz sorti kot SENYER, pour li adres Sedesyas. Lerwa ti'n anvoy Pasour, garson Malkiya avek pret Sofoni, garson Maaseya pou demann li:

Zeremi 21:2

Konsilte SENYER pour nou, akoz Naboukodonozor, lerwa Babilonn, pe fer lager kont nou. Kekfwa SENYER ava fer en mirak dan nou faver e fer Naboukodonozor sorti kot nou.

Zeremi 37:3

Pourtan, lerwa Sedesyas ti anvoy Yeoukal, garson Selemia avek pret Sofoni, garson Maaseya, kot profet Zeremi. Zot ti dir li: Priy SENYER nou Bondye pour nou.

Zeremi 37:5

Kan bann Babilonyen ki ti pe atak Zerizalenm ti tande ki bann gerye Faraon, lerwa Lezip ti'n travers frontyer Lezip, zot ti rekile.

Zeremi 37:6

Alor, SENYER, ti koz avek profet Zeremi:

Lamantasyon 1:7

Dan son bann zour maler, Zerizalenm i mazin tou sa bann trezor ki i ti annan dan letan pase. Kan son pep ti tonm dan lanmen lennmi, ti napa personn pour ed li. Lennmi ti get li tonbe e zot ti riy avek kontantman.

Lamantasyon 4:17

Nou lizye in fatige esper led ki pa'n zanmen arive; nou'n veye san pozman, pour ki en nasyon vin sov nou.

Ezekyel 17:17

Menm avek en gran larme for, Faraon, lerwa Lezip pa pou kapab ede pour defann li dan lager kont Babilonn, kan zot fouy transe e mont miray latak pour detri en kantite lavi.

Ezekyel 29:16

Pep Izrael pa pou zanmen met son konfyans dan li ankor. Konmsa, Izrael pa pou rod led Lezip e les li tonm dan pese. Alor, zot ava konnen ki mwan menm Senyer BONDYE.

Ezekyel 30:22

Alor, la sa ki Senyer BONDYE i deklare: Mon pou pran aksyon kont Faraon, lerwa Lezip. Mon pou kas son de lebra: Sa enn ki ankor for e sa enn ki ti'n deza kase. Lepe pa pou tenir dan son lanmen.