Zeremi 37:10 - Labib An Kreol Seselwa

¹⁰ Akoz, menm si ou bat tou bann gerye Babilonyen ki pe lager kont ou; menm si i reste zis gerye blese dan zot latant, zot pou sorti e met dife dan sa lavil.

Zeremi 37:10 ပူးပေါင်းရင်းမြစ်များ

Ezai 10:4

Ou pou kapab zis akroupi parmi bann prizonnyen, oubyen tonm parmi bann viktim lager. Malgre sa, lakoler SENYER pa kalme; son lebra i kontinyen reste leve.

Ezai 13:15

Bann ki ganny atrape pou ganny transperse; bann ki ganny arete pou ganny masakre.

Ezai 14:19

Me ou, ou'n ganny zete deor ou latonm. Ou parey en zanfan ki'n mor an nesan. Ou parey bann lekor mor ki'n ganny perse avek lepe e ki'n ganny zete lo ros dan trou, parey en kadav ki'n ganny kraze anba lipye.

Ezai 30:17

Anba menas en sel zonm, 1,000 pou sove. Anba senk zonm, zot tou zot pou sove ziska ler zot ava parey en ma lo montanny, parey en bannyer lo latet montanny.

Zeremi 21:10

Annefe, SENYER i deklare: Mon pe tourn kont lavil Zerizalenm, pa pour son boner, me pour son maler. Mon pou detri li. I pou ganny livre avek lerwa Babilonn ki pou met dife ladan.

Zeremi 32:29

Bann Babilonyen ki pe atak lavil pou antre, e zot pou met dife partou. Zot pou bril bann lakaz kot bann zabitan ti fer mon lakoler monte kont zot, akoz zot ti bril lansan en loner Baal lo twa lakaz, e ofer diven lezot bondye.

Zeremi 37:11

Kan larme Babilonn ti'n elwanny avek Zerizalenm akoz larme Faraon ti pe aprose,

Zeremi 37:8

Bann gerye Babilonn pou retournen. Zot pou atak sa lavil ki zot pou pran e ki zot pou brile.

Zeremi 49:20

Alor, ekout proze ki SENYER in fer kont bann zabitan Edonm, e bann plan ki i'n prepare kont bann zabitan lavil Temann. Menm bann zanfan pou ganny trennen deor, parey zannimo; e tou dimoun pou reste soke.

Zeremi 50:45

Alor, ekout sa plan ki SENYER in fer kont Babilonn, e ki lentansyon i annan kont bann zabitan sa pei. San okenn dout, son bann zanfan pour ganny trennen deor, e tou dimoun pour reste soke.

Zeremi 51:4

Zot pou tonbe, blese anmor dan pei Babilonn e blese lo son bann semen.

Lamantasyon 1:15

SENYER in rezet tou bann vayan gerye ki ti pe defann mwan. I'n anvoy en larme pour detri mwan. I'n detri tou mon bann zennzan. Parey rezen i ganny kraze pour fer diven, SENYER in kraz Zida, sa zoli zenn fiy.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?